Albisteak

Jaurlaritza honen azken gobernu bilera eta aldi berean kurtso berriko lehena egin dute Donostiako Miramar jauregian. Jarduneko hamaika sailburu bertaratu dira eta Urkullu lehendakariak helburu nagusi batzuk nabarmendu ditu: osasun-krisiari erantzutea, ikasturtea hastea eta Gobernu berria eratu eta martxan jartzea.

PCR proben bidez 543 COVID-19 kasu gehiago detektatu dira Hego Euskal Herrian azken orduetan. EAEn, guztira, 453 positibo jaso dira probetan, atzo 4.711 test egin ziren. Nafarroan, aldiz, 95 kasu berri atzeman dituzte 1.175 PCR test egin ondoren.

Lurraldeen arabera 58 Nafarroan, 4 Araban, 26 Bizkaian eta 35 Gipuzkoan. Hegoaldetik kanpo bizi diren hiru pertsonek ere positibo eman dute. Egunez egun kutsatuak goruntz doaz; Nafarroan detektatu dira kasu gehien eta Santos Indurain Nafarroako Osasun kontseilariak ohartarazi du lau foku berri atzeman dituztela.

Haranbururen askatasuna aldarrikatzeko mobilizazioa egingo du Bake Bideak Senperen. Xistor Haranburuk kartzelan 30 urte bete ondoren, senperentarraren hirugarren askatasun auzia uztailaren 9an aztertu zuen Parisko Zigorren Aplikaziorako Auzitegiak. Harturiko erabakia uztailaren 24an jakinaraziko du.

Azken 24 orduetan pertsona bat hil da koronabirusaren ondorioz eta 80 kasu berri detektatu dituzte Hego Euskal Herrian: bost Araban, hogei Bizkaian, 31 Gipuzkoan eta 22 Nafarroan. Bestalde, test azkarren bidez 21 kasu atzeman dituzte.

Olaberriako Arcelor Mittalek langileen eskakizunei jaramonik egin gabe jarraitzen duela argudiatuta langileek lanuzteekin jarraitzen dute. Zuzendaritzak erantzun argirik ez diela eman eta negoziatzeko biltzeari muzin egin diola esan dute, beste proposamenik egin gabe. Jarrera hori ikusita, aldez aurretik prestatutako mobilizazio plana martxan jarri dute.