Albisteak

Hernaniko Udalak, Aranzadi Elkartearekin batera, herriko oroimen historikoa berreskuratzeko ikerketa lanak egin ditu azken urteotan. Motibazio politikoz, 1936ko gerra eta diktaduraren lehen urteetan eta euskal gatazkaren testuinguruan Hernanin eta herritarren aurka gertatutako giza eskubideen urraketak ikertu eta jaso dituztela adierazi digute hernanioroimena.eus webgunean.

Eusko Legebiltzarraren XII. Legegintzaldiaren hasierak markatutako egoera honetan, Foro Sozial Iraunkorreko Agus Hernan, Teresa Toda eta Tasio Agirrezabalagak talde politikoek oraindik askatzeke dauden korapilo nagusien inguruan dituzten jarrera eta proposamenak aztertu dituzte.

EH Bilduko Mertxe Aizpurua kongresuko bozeramailea eta Pablo Iglesias Espainiako Gobernuko bigarren presidenteordea aurrekontuez hitz egiteko bidlu dira. Aizpuruak hiru baldintza jarri dizkio mahai gainean Iglesiasi: lurralde auziari irtenbide demokratikoa ematea, krisialdi ekonomikoari irtenbidea ematea langileak kaltetu gabe eta salbuespenezko espetxe politika amaitzea.

ELA, LAB, Steilas, CCOO eta UGT sindikatuek mobilizazioei eutsi eta greba eguna izan da gaur Araban, Bizkaian eta Gipuzkoan. Sindikatuen arabera %65eko jarraipena izan du hezkuntzako grebak. Bilbon, Donostian eta Gasteizen manifestazioak egin dituzte, eta hezkuntzako langileek ez ezik, ikasle eta guraso talde batzuek ere parte hartu dute.

Ostiraletik hasita, Osakidetzako langileek protestak egingo dituzte berriro, SATSE, ELA, LAB, SME, CCOO, UGT eta ESK sindikatuek deituta. Covid-19a dela eta, azken hilabeotan bizitako muturreko egoera salatu nahi dute.

Emakunde Lehendakaritzako egituratik ateratzeko erabakiak ezinegona eragin du eragile feministengan, baita kezka eta harridura ere. Horren aurrean Eusko Jaurlaritzak hartutako erabakian atzera egiteko eskaera egin zuten. Era horretara, Emakunde lehengora itzuli dadin, Lehendakaritzari berriro atxikituz. Urkulluk, ordea, bere horretan mantentzea erabaki du.