Altsasuko Koxka tabernako zerbitzariak esan du ez zuela eraso zalapartatsurik ikusi urriaren 15eko goizaldean. Bi guardia zibili eta haien bikotekideei eraso egiteagatik terrorismoa egotzita zortzi gazte epaitzen ari dira Espainiako Auzitegi Nazionalean, eta zerbitzariaren bertsioak ez du zerikusirik asteartean guardia zibil horiek eta haien bikotekideek deklaratu zutenarekin. Koxka tabernako jabeak ere zerbitzariaren bertsioa berretsi du.