Aste honetarako saio berezia prestatu dugu. Paxkal Irigoyen musikaria izango da protagonista bakarra. Bera, eta bere musika tresnak.
Elkarrizketa eta zuzeneko musika uztartuko ditugu 32. saio honetan, ordu erdi iraungo duen monografikoan. Sara (Lapurdi) herriko Kapera ederrean egin du hitzordua Koldo Otamendi lankideak eta luze ta zabal jardun dira musika eta sorkuntzaz.Eseri lasai, jeitsi argiaren intentsitatea, itzali aparatu guztiak eta goza hitz eta musikaz.