Nafarroako Gobernuak bat egin du parlamentuak Altsasuko gazteen mobilizazioaren alde onartutako adierazpenarekin, baita gehiengo sindikalak egindako aldarrikapenekin ere. Gobernuko bozeramaile Maria Solanak prentsa aurrean salatu du Altsasuko auzian hartutako erabaki judizialak neurriz kanpokoak izan direla, eta, hortaz, foru erkidegoko erakunde nagusi gisa larunbateko manifestazioan parte hartuko dutela, herritarren eskubideak bermatzeko beharra aldarrikatzeko.