Greba deialdia

ELA, LAB, ESK, Steilas, EHNE, Hiru, CGT eta CNTk deia egin die emakumeei 24 orduko greba feministan parte hartzeko. Honela, Mugimendu feministak egindako hitzordura batu dira sindikatuak. LABeko idazkari nagusi Garbiñe Aranburuk planto egiteko eskatu die etxeko langile diren edo lantokietan dauden emakumeei eta kalera irtetzeko eskatu. Adierazi du kontzientziazio egun bat dela, borroka ideologikoaren eguna eta gizarteaz hausnartzekoa. Gainera, gizonezkoen papera azpimarratu dute prentsaurrekoan, emakumea kalean egon dadin beharrezkoa da beraiek ere inplikatzea.

Euskal Herrian ziklo politiko berria irekitzeko ETAren desegitea beharrezkoa bazen ere, presoek eta haien senideek sufritzen jarraitzen dutela salatu du Etxeratek.

ETAren desegitearen ondoren, presoen aurkako salbuespen egoera aldatzeko eskaerak izan ditugu hizpide gaurkoan. Erreparatu diogu Amaia Agirregabiria Pasaiako alkate ohiari ezarri dioten hirugarren graduari ere. Horrez gain, Eusko Jaurlaritzak, Nafarroako Gobernuak eta Euskararen Erakunde Publikoak berritu duten hitzarmena izan dugu hizpide.

3600 pertsona baino gehiago batuko dira larunbatean Munduko Arrozen jaialdian. Anistazunean eta bizikidetzan oinarritzen den ospakizun honek, auzoko talde desberdiei esker musikaz, dantzaz eta aldarrikapenez beteko da San frantzisko auzoa.

Kalera Kalera dinamikak manifestazioa deitu du Iruñean uztailaren 4ean, asteazkenarekin, ‘Bada garaia. Sanfermines sin presas ni presos’ lelopean. Euskal Herrian aro politiko berri bat ireki dela adierazi du Ikerne Indakoetxeak eta salatu du Espainiar Estatuak euskal preso politikoei inposatzen dien salbuespena mendeku eta ahulezi politikoa baino ez dela.

Etxeratek espetxe politika aldatzeko eskaera egin du berriro, prentsaurreko jendetsu batean, eta Urtzi Errazkin eledunak esan du ETAren desegitearen ondoren ez dagoela "aitzakiarik" aldaketa hori egiteko.