Gurean Gaur albistegiaren baitan, elkarrizketaren tartean, Elkarrekin Podemos-eko Miren Echeveste izan dugu gurean. Solasaldian zehar, besteak beste, Pablo Iglesiasen egoera, aurrekontuen negoziaketak edo Europako funtsak hizpide izan ditugu.
Emakumeek sortutako zinemaren zikloak 25 urte ospatu ditu aurten eta bere ibilbidea gogorarazteko baliatu dute. Urriaren 14an emango diote amaiera 25 urteko historia biltzen duen dokumentalaren eta hitzaldiaren bitartez.
2013an alderdiko kide batek hildako Pavlos Fyssas musikari antifaxista hil ondoren ekin zitzaion epaiketari. Alderdiak azken hamarkadan izan duen ibilbidea erreapasatu nahi izan dugu.
Orotara 1300 irakasleren kontratazioak iragarri dituzte Hego Euskal Herriko gobernuek. Eusko Jaurlaritzak 669 irakasle kontratatuko dituela helarazi zien sindikatuei, Nafarroak, beste 596 kontratatuko ditu. EAEko hezkuntzako sindikatuek ez-nahikotzat jo dute proposamena eta aldebakarrez neurriak hartzea leporatu diote sailari. Hala ere, mahai sektoriala osatzeko akordioa erdietsi zuten bi aldeek atzoko bileran.
Euskal Autonomia Erkidegoari dagokionez LAB sindikatuak salatu du Urdulizeko ospitalean erizaintzako praktiketako ikasleak baliatu dituztela PCRak egiteko, hauek aurretiaz inongo formakuntza berezirik jaso gabe.
Udal gehiengoak Navarra Sumari eskatu dio Amaya kalean autobusa lehenestea garraio publikoaren zerbitzuko denbora atzerapenak ekiditeko. Udan hiriko arteria nagusienetako bat den kaleko egitura aldatu zuen Fermin Alonso zinegotziaren sailak eta EH Bilduk, Geroa Baik eta PSNk eskatu diote aurreko legealdian proiektatutako Labriteko korridore jasangarriaren proiektuak agindutakoari eusteko.