Aizank!

Aizank! saioaren seigarrean atalean, euskararen erabileraz aritu gara gazteekin. Euskaraz aritzen al dira? Nolakoa da beraien ustez euskararen etorkizuna? Bestalde, Durangoko Azokaren atarian, Glaukoma taldearekin egin dugu hitzordua Tolosako Bonberenean. Japonian egin berri duten kontzertu biraz eta bigarren diskoaz aritu gara beraiekin. Zr Iksi atal berezituan, aldiz, Andoaingo Leizaran institutua bisitatu dugu.

Aizank! saioaren bosgarren atalean, krisiaz hitz egin dugu gazteekin: nola ikusten dute egoera? Eta euren etorkizuna?. Bestalde, Etxarri Aranatzen izan gara Hesian taldeko abeslariekin. Euren ibilbidea errepasatu eta egungo proiektuen berri jakin dugu. ZR IKSI atala ere estreinatu dugu eta Usurbilgo Lanbide Eskolak zein heziketa ziklo eskaintzen dituen ikusi dugu gertutik. Amaitzeko, agenda eta musikarekin batera, lehiaketa berria jarri dugu martxan: AIZANK! hitza daraman bertso lehiaketa hain zuzen.

Aizank!-en bigarren saioan, genero berdintasunaren inguruan eztabaidatu dugu gazteekin. Gainera, Andoaingo Lorratzak taldearekin ere izan gara, euren lehen pausuak gertutik ikusi ditugu eta hainbat kantu ere jo dizkigute. Donostiako emakumeen etxean, ordea, Lahia-Nahia elkartean izan gara eta nola ez, agenda, lehiaketa eta musika ere izan ditugu!

Aizank!-en lehenengo saioan, gazteekin teknologia berriek eragin dezaketen dependentziaren inguruan hausnartu dugu. Elkarrizketaren atalean, Alex Uranga eta Beñat Elosua bodyboardlariekin elkartu gara eta  erreportajeari dagokionez, Donostiako Txantxarreka gaztetxera hurbildu gara. Agenda, lehiaketa eta musika ere izan ditugu!

Hamabigarren eta azken atalean, urtezaharra izan dugu hizpide Atarrabiako institutuko ikasleekin. Horrez gain, Bolbora taldeko Egoitz eta Urkok Manu Chaoren telonero izandako Lizarrako taldearen nondik norakoak azaldu dizkigute.

Hamaikagarren atalean, abenduaren 24 eta 25 egun seinalatuez aritu gara. Gabonak bizi ditugu Euskal Herrian, eta horri saio berezia eskaini nahi izan diogu. Solasaldia egin dugu Ekhiñe Atorrasagasti eta Maialen Huarte kazetariekin, Urko Peral Bolbora taldeko kidearekin eta Andoni Zilbeti Motxila 21 taldeko ordezkariarekin.