Sasoi onean

Genero indarkeria eremu eta klase sozial guztietan ematen da, eta nahiz eta nafarroan lan handia egin den oraindik asko gelditzen da egiteko. Gaur hirugarren adineko emakumeen aurka ematen den genero indarkeriari helduko diogu. 

Gaurko saioan, Elizondoko Zahar Etxean izan gara, egunerokoa nola bizi duten ezagutzen. Ondoren, Huarten kokatuta dagoen Equisalud izeneko zentroan izan gara, bertan azaldu digute nola sortzen dituzten hainbat botika eta produktu ekologiko. 

Zahartzaroa eta edertasunaren arteko loturaren inguruan Isabel Pozueta sexologoarekin egon gara. Hortaz gain, medikuntza txinatarraren gakoak bertatik ezagutzeko Egoitz Garroren hitzak bildu ditugu.

Zer da edertasuna? Eta zer pisu du gure bizitzan? Zahartzaroa eta edertasuna uztartu ditugu gaur Isabel Pozueta sexologoarekin, eta medikuntza txinatarra ezagutu dugu Egoitz Garroren eskutik.

Hirugarren adinekoen sexualitateaz mintzatu gara Isabel Pozueta sexologoarekin eta filosofia makrobiotikoaz Egoitz Garrorekin, Yakin Makrobiotika eta Alkimia eskolako zuzendariarekin.

Josefina Arregi psikoklinikan izan gara. Buruko gaitzak dituzten pertsonak hartzen dituzte bertan, eta errealitate berrira egokitzeko aholkuak ematen dizkiete. Izan ere, heldu egiten garen heinean ohikoa da memoria arazoak izatea, eta horrek ohiturak, harremantzeko moduak, zaintza eta bestelakoak aldatzera behartzen gaitu.