Skip to main content
Nahieran Ikusteko.tv

Musika Zuzenean

MUSIKA ZUZENEAN: Urbon Kings, Guilty Brigade eta Liot

2017-11-14

Koldo Otamendik gidatutako atal berri honetan, Urbon Kings, Guilty Brigade eta Liot taldeak gertutik ezagutzeko aukera izango dugu. Horrekin batera, astero legez, agendaren berri izan duzue baita.

MUSIKA ZUZENEAN: Liberekin Gasteizen

2017-10-26

Gasteizen izan gara Libe taldearekin argitaratu berri duten "Ilargia erori da" (Bonberenea Ekintzak zigilua) disko berriko kantuak ezagutzen. Datozen egunetan aurkeztuko dute bigarren lana Tolosan, Elorrion, Gasteizen eta Arrasaten. Entsegu lokalean zuzenekoa prestatzen ari zirela elkartu gara taldearekin. Honekin guztiarekin batera, albisteak eta asteburuko kontzertu agenda txikia.

Musika Zuzenean: PI LT-ren eta Eneritz Furiyaken indarra

2017-10-13

Arnas luzeko taldea da PI LT, bizkaitarrak geldialdi luzearen ondoren itzuli dira aurten, betiko soinu indartsuekin. Bestalde, Eneritz Furiyak-ekin egoteko aukera izan dugu baita. Hauek eta beste hainbat, Musika Zuzenean saioan.

Musika Zuzenean 12.saioa: Xabi San Sebastian eta Trini Fox

2017-10-06

Musika Zuzenean saioko azken atalean Kortatu taldearen "Azken guda Dantza" ekarri dugu gurera disko mitikoa grabatu zela 29 urte bete diren honetan. Horrez gain, Xabi San Sebastian abeslariarekin Katakrak gunean egin dugu hitzordua argitaratu berri duen "zuhaitzak ez du beldurrik" diskoa besapean. Hitz Bitan ataleko protagonista Jon Basaguren izan da, Izaki Gardenak taldeko abeslaria. Amaitzeko, Trini Fox talde gaztearekin izan gara kaleratu berri duten "Letaginak" diskoa ezagutzeko. Honekin guztiarekin batera, albisteak eta asteburuko musika agenda txikia.

Musika Zuzenean 11.saioa: Katez eta Abereh

2017-09-22
Ibiltari gatoz MusikaZuzenean saioaren atal berri honetan!
 
Bilboko Power Records dendan izan gara Abereh egitasmoa ezagutzen. Leitzan, berriz, Katez taldearen entsegu lokalean egin dugu hitzordua. Honekin guztiarekin batera, albisteak eta asteburuko musika agenda txikia!
Musika Zuzenean 10.saioa: Glaukoma eta Iñigo Etxarri

2017-09-18

Musika Zuzenean telebista saioaren atal berria kolorez jantzita dator gaurkoan ere!

Glaukoma taldearekin izan gara Tolosako Bonberenean, eta beraiekin luze eta zabal solastu gara "Kalima" disko berriaz. Hitz Bitan saileko protagonista Iñigo Etxarri izan da, Liher, Anai Arrebak eta Naiz Roxa taldeetako gitarra-jotzailea. Honekin batera, albiste laburrak eta asteburuko kontzertu agenda osatu ditugu. 

 
bannerra

bannerra