Skip to main content
bannerra

Bideoteka

Bideotekan bilatu
bideoa prestatzen
Landabengo Volkswagenek 7 eguneko beste etenaldi bat eginen du motor faltagatik

2018-10-23
Landabengo Volkswagen fabrikak 7 eguneko etenaldia egingo du motor faltagatik. Hasiera batean, 5 eguneko izango zela iragarri zuen enpresako zuzendaritzak, baina gaurkoan beste bi egun gehiagotan itxiko duela jakinarazi du. Horrela, urriaren 26ti azaroaren 2ra itxiko du bai eta azaroaren 5ean eta 9ane ere.
bideoa prestatzen
Jaitsierak "umiltasuna berreskuratzeko" aukera emango dio Bilbao Basket-i

2018-10-23
Hiriburuan saioan, saskibaloiari buruzko monografikoa osatu genuen. Gaietako bat, Bilbao Basket-en egoera zaila izan zen. Analisia, Herri Irratiko kazetari Cris Garciaren eskutik.
bideoa prestatzen
Durangoko Azokaren 53. edizioa aniztasunean oinarrituko da

2018-10-23
'Da! Asko dira' lelopean aurkeztu dute Durangoko Azokaren 53. edizioa. Aurtengoan, Azoka bizitzeko era anitzetan eta euskal kulturak duen oparotasun eta aberastasunean jarri nahi izan du fokua Gerediaga Elkarteak.
bideoa prestatzen
Izen bat bizitza bat kanpaina aurkeztu du UNICEF-ek jaioberrien heriotza tasa murriztu asmoz

2018-10-23
Zenbait eskualdeetako familiek ez dizkiete izenik jartzen umeei jaio eta hilabete baino gutxiagora hil daitezkeelakoan. Emandako datuen arabera, 2,6 milioi hilda jaiotzen dira eta beste 2,6 milioi lehenengo hilabetean hiltzen da. Horren aurka aritzeko dohaintzak eskatu dituzte, heriotza horien %80 errez ekidin daiteke eta, txertoen edo amen zaintza programen bitartez.
bideoa prestatzen
Nazioarteko ekintzaile feministak, Bilbon, mugimenduaz eta borrokez eztabaidan

2018-10-23

Martxan dira Emakumeon Mundu Martxaren XI. Nazioarteko Topaketak. Bi urtean behingo zita ibiltaria oraingoan Euskal Herrian izango dira. Igandera arte mundu osoko 40 herrialdetako 130 ekintzaile feminista bilduko dira Bilbon, mugimenduaz eta esku artean dituzten borrokez eztabaidatzeko.

Astelehenez egin dute topaketak hasteko ekitaldia, EHUren Bizkaia aretoan. Topaketak itxiak izango diren arren, aste osorako hainbat jarduera antolatu dituzte. Antolatzaileen hitzetan, Euskal Herriko mugimendu feministak duen indarra da Topaketak Bilbon egitearen arrazoi nagusia. Horrez gain, ordea, munduko hainbat tokitatik datozen emakumeentzat Euskal Herria haiena baino leku seguruagoa dela ere gogorarazi dute. Hainbat herrialdetan jazarpenak jasaten dituztenei espazio segurua eskaini nahi die Euskal Herriko Emakumeen Mundu Martxak.

Hala, astelehen arratseko harrera ekitaldia irekia izan da eta behin hasiera emanda, Nazioarteko Topaketak egitarau propioa abian du: asteartetik ostiralera nazioarteko ordezkariak EHUko Bizkaia Aretoan bilduko dira. Batetik, egungo testuinguruaz eta horrek emakumeengan duen eraginaz hausnartuko dute. Bestetik, V. Nazioarteko Ekintza antolatzeari ere ekingo diote. Azken Nazioarteko Ekintza 2015ean egin zen, Euskal Herritik ere igaro zen nazioarteko karabana feminista, hain justu. Hemendik bi urtera, 2020an izango da hurrengoa.

Nazioarteko topaketak igandera arte iraungo du. Baina larunbatean, euskal mugimendu feministaren ekimenez, Feministon Herria egingo dute, Areatzan eta inguruetan: besteak beste, Alternatiba Feministen Azoka, bakegintzari buruzko solasaldia eta manifestazioa antolatu dituzte. Alternatiba eta erresistentzia feministak erakusteko lekua izango da: sistema arteko indarkeriaren, bizitzaren iraunkortasunaren, sexualitatearen zein aniztasunaren arloetan.

10:00etan ekingo diote egunari, gosari feministarekin. Ondoren, solasaldia eta mahai ingurua egingo dituzte Emakumeon Mundu Martxako kideekin, ‘Feministon bakea eraikitzen’ leloa goiburutzat hartuta. Hain justu, aurten, bizi proiektua Euskal Herrian zuten hainbat emakume erail dituztela nabarmendu dute eta hori bake egoera bat ez denez, hainbat galderari erantzun nahi diete.

Eguerdian, andreen bazkaria ere egingo dute Areatzan, eta arratsaldean manifestazioa. 17:30ean abiatuko da, Arriaga plazatik, Batu indarrak, urrutira goaz! Gure gorputzen eta lurraldeen burujabetzarantz lelopean. Iluntze aldera, kontzertuekin bukatuko dute Feministon Herria eguna: jaia girotzeko kantua sortu duten MICE, Sustraians, Ni Yuta Ni Tuya eta Gora Etorri taldeak arituko dira.

bideoa prestatzen
IDK Gipuzkoaren denboraldi hasiera bikaina hizpide

2018-10-23
Saskibaloian, emakumezkoen ligaren hasierak euskal taldeen lan bikaina erakutsi digu. Izan ere, Girona eta Perfumerias Avenida-rekin batera, Araski, Lointek Gernika eta IDK Gipuzkoa dira hiru garaipen eskuratu dituzten taldeak. Ondorioz, lidertza partekatzen dute. Maria Lasa jokalari ohiak, IDK Gipuzkoaren inguruko analisia osatu zuen Hiriburuan saioan, Azu Muguruzak zuzentzen dituen nesken lana goratuz, ikusgarritasuna aldarrikatuz eta eurentzako babesa eskatuz. Honatx bere analisia.