Skip to main content

Bideoteka

Bideotekan bilatu
bideoaren irudia
78ko Sanferminak Gogoanek bere gain hartu ditu salatutako pankartak

2018-07-18

78ko Sanferminak Gogoan plataformak gogor salatu du Espainiako Poliziak hainbat lagun deklaratzera deitu izana.

Hainbat etxetako leiho eta balkoietan pankartak jartzeagatik, "Espainiako Estatua iraintzea" egotzita jaso dute zitazioa herritar horiek eta plataformakoek ez dute onartzen 1978ko gertaerak ikertu ordez, egia eskatzen dutenei diligentziak irekitzea.

Memoria osoa aldarrikatzen duten ekintza bat baino gehiago izan dira gurean, besteak beste, Gasteizen ere egia, justizia eta erreparazioa aldarrikatu dute 1936ko estatu kolpearen urtemugan.

bideoaren irudia
EGUNEKOA: uztailaren 18ko albiste nagusiak

2018-07-18

Sanferminak 78 Gogoan plataformakoek gogor kritikatu dute Espainiako Gobernuaren Nafarroako ordezkariak eta Espainiako Poliziak izandako jarrera eta hainbat herritarri deklaratzera joateko egindako deia. Horri eta gizarte arloko beste zenbait gairi erreparatu diegu gaurkoan.

bideoaren irudia
Eskola Publikoa ardatz duen festa

2018-07-18
Euskal Herriko Ikasleen Gurasoen Elkarteak antolatzen du 1994tik ospatzen den jai hau ikastetxe publiko desberdinekin elkarlanean. Eskola publikoak hezkuntza sistemaren ardatza izan behar duela aldarrikatzen dute urtero antolatzaileek. Horrelako festa Errenterian antolatzea ohore bat dela adierazi du Julen Mendozak, eta etorkizuneko erronkei erantzuna emateko hezkuntzaren aldeko apustua egin behar dela azpimarratu du. Maialen Oliveri, Koldo Mitxelena eskola publikoko amak, Errenteriaren nortasuna eta aniztasuna islatzeko aukeratutako irudiaren eta leloaren zergatiak azaldu ditu. Lurdes Imaz, Euskal Herriko Gurasoen Elkarteko koordinatzaileak, urteak aurrera joan ahala jaia nola handitu den kontatu du, eta eskola publikoaren festaren helburura zein den azaldu du. Garazi Lopez de Etxezarreta, Hezkuntza zinegotziak eta Leire Zarra, Koldo Mitxelena eskola publikoko zuzendariak ere parte hartu dute aurkezpenean. Guztiek azpimarratu dute horrelako ekimenen beharra eta hurrengo urteko ekainaren 2an festara joateko gonbidapena zabaldu dute.
bideoaren irudia
EH Bilduk, Ahal Duguk, Ezker Anitzak eta Equok frankismoaren biktimak omendu dituzte Gasteizen

2018-07-18

Gasteizeko ezkerreko alderdiek egia, justizia eta erreparazioa eskatu dituzte Frankoren altxamenduaren 82. urteurrenean. EH Bilduk, Ahal Duguk, Ezker Anitzak eta Equok antolatu dute agerraldia, bertan, frankismoaren biktimak omendu dituzte eta arratsaldeko 8retako kontzentraziora dei egin dute.

bideoaren irudia
Formazioa eta ohitura aldaketa nabarmendu ditu Osalanek lan istripuei aurre hartzeko

2018-07-18

2016ko datuekin alderatuta, %26 jaitsi dira istripu hilgarriak, eta %6 eta %12 igo dira arinak eta larriak, hurrenez hurren. Eusko Jaurlaritzkao Lan eta justizia sailburu Mª Jesus San Josek nabarmendu du jarraitu egin behar dela prebentzio lana egiten eta lan arloko arriskuei aurre hartzen. Alberto Alonso Osalaneko zuzendari nagusiak, berriz, formazioak duen garrantzia nabarmendu du.

Alonsok zehaztu du lan eremuan gertatzen direla gizonezkoek izaten dituzten istripuen %74,3, eta emakumezkoen kasuan, ezbeharren %57 lanera bidean edo handik itzultzean gertatzen direla.

Horrez gain, 2017an, lan gaixotasunen 3.080 jakinarazpen erregistratu zirela eta horietatik 2.800 aitortu zirela gaixtoasun gisa. Gizonei eragiten dieten lan gaixotasun gehienak industria arloko enpresetan agertu ohi dira. Emakumeen kasuan, berriz, zerbitzuen sektorean. Datu horiek emanda, Osalaneko zuzendari nagusiak esan du ezinbestekoa dela barneratuta dauden ohiturak aldatzea.

bideoaren irudia
Egia eskatzen dutenak jazartzea salatu du Sanferminak 78 Gogoan plataformak

2018-07-18

Hainbat herritarrek poliziak Iruñean duen egoitzara joan behar zuten azalpenak ematera, baina uko egin diote deklaratzeari. Plataformak argi utzi du beren gain hartzen dutela erantzukizun osoa, eta krimena ez argitzea salatu dute.

Herritar horiek jaso dituzten zitazioetan aipatzen denez, "Espainiako Estatua iraintzea" leporatzen diete. Elkartetik jakinarazi dutenez, urtarrilean abiatu zuten kanpaina baten parte dira pankarta horiek eta orain arte ez dute halako deirik jaso. Hargatik, uste dute adierazpen askatasunaren aurkako eraso bat dela salaketa.

Espainiako Gobernuak Nafarroan duen ordezkaritzari berriaren jarrera ere salatu dute, haren ardurapean baitaude poliziak. Ordezkaritzak publiko egindako prentsa oharrean, lehen aldiz, German Rodriguezena hilketa izan zela agerti dela nabarmendu dute. Ondorioz, ez zaie onargarria iruditzen gertaera haiek ikertu ordez, ikertzea eskatzen dutenen aurkako diligentziak irekitzea.