Lehen atalean, ondokoak nabarmendu ditugu: Kristalezko begi bat da Miren Agur Meabe idazlearen azken lanaren izena. Ondoren zinema estreinaldiei begira jarri gara. Asteburuko proposamenei dagokienez, hauxe gure eskaintza: Haizeberritu, auzo eta lan lelopean Euskal Eskola Publikoaren jaia burutuko dute Iruñean, martxan da Leioako Umore azoka, datorren maiatzaren 21ean Txokolatea eta Bizkoatxoak ekimenaren saio berria egingo dute, performancea, dantza eta antzerkia Bilboko Alondegian egun hauetan, Ispilua antzezlanaren amaiera festa hartuko du maiatzaren 23an Doka Kafe Antzokiak eta 32 urte beteko ditu aurten Usurbilgo Sagardo Egunak.