Skip to main content
Nahieran Ikusteko.tv

Gurean Gaur albistegia: irailak 13

Gurean Gaur albistegia: irailak 13

Aralarren ibilbidea abenduaren 2an bukatzea proposatu du alderdiko zuzendaritzak. Afiliatuek egun horretan egingo duten VII. kongresuan erabakiko dute alderdia desegin ala ez. 

Donostian, sexu eraso berri bat izan da asteburuan. Larunbat goizaldean eraso egin ziotela salatu du emakume batek, eta zabalik da erasotzailea identifikatzeko ikerketa. 

Kirolei dagokienez, ostegun honetan abiatuko da Europa League-a. Errealak eta athletic-ek beste 46 talde europarren artean jokatuko dute maiatzerarte luzatuko den txapelketa kontinentalean. 

Hauek eta askoz gehiago irailaren 13ko Gurean Gaur albistegian.


Gurean Gaur

Abenduaren 21eko hauteskundeetarako aurreikuspenak izan dira nagusi, aste honetan, Katalunian. Horrez gain, Metromuster ikus-entzunezko kooperatibak, bideo bat publikatu du urriaren 1ean poliziak jaurtitako goma pilota bategatik begia galdu zuen gaztearen inguruan.

Gurean ere jarri gara Kataluniara begira, besteak beste, gazteez eta erabakitze eskubideaz EHUko Leioako campusean egindako mahai inguruan.


Gurean Gaur

Euskal errepresaliatu politikoekin lotutako albisteak izan ditugu nagusi aste honetan. Atzo, Belen Gonzalez Peñalva hil zen, larriki gaixorik espetxealdi arinduan zegoen preso politikoa. Hain justu, atzo abiatu zen Frantziako espetxe bira Mont-de-Marsango espetxean eta abenduaren 9ko Parisko manifestaziora arte iraungo du. Horrez gain, asteartean, Alcala Mecoko espetxera joan ziren hainbat herritar, larriki gaixorik dauden presoak askat ditzatela eskatzeko. Espetxe horretan daude Manu Azkarate eta Ibon Iparragirre.

Asteko beste zenbait gairi ere erreparatu diegu albiste bilduma honetan: 2016ko Sanferminetako taldeko bortxaketaren epaiketari, edota Nafarroako euskara dekretuaren onarpenari.


Gurean Gaur

Belen Gonzalez Peñalva euskal preso politikoa zendu da bart. 1999 urtetik zegoen preso, azken zortzi urteotan etxean ari zen espetxealdia betetzen, gaixo zegoelako. ETA erakundeak Espainiako Gobernuarekin egindako negoziazio saiakera bat baino gehiagotan parte hartu zuen Gonzalez Peñalvak. Heriotza horren berri izan dugun egun berean abiatu da Frantziako espetxeetako bira Mont-de-Marsanen. Gai hori eta beste batzuei begira jarri gara gaurko lerroburuetan.


Gurean Gaur

Nafarroa Gaur debatearen hitzordu berria izan genuen Hamaika Telebistan. Amaia Eneterreaga lankidearen eskutik, Martxelo Diaz eta Maialen Huarte kazetariak hainbat analisi interesgarri egin zituzten Nafarroako gaurkotasun gaien inguruan: Sanferminetako bortxaketaren epaiketari zein trataera ematen ari zaion, Altsasuko gazteen egoera edota atzo berean Uxue Barkosek egindako adierazpenak tarteko. Asteartero iluntzeko 22etik aitzin ikusi daiteke Nafarroa Gaur Debatea Hamaika Telebistan.