Larunbatean izango da euskal errepresaliatu politikoen eskubideen alde, Sare Herritarrak antolatutako manifestazioa Bilbon. Aurten, goizean goizetik hasitako egitaraua antolatu dute, hainbat ekintza sozial eta kulturalekin. Prest gaude lelopean, giza eskubideen, konponbidearen eta bakearen aldeko aldarriak Bilboko kaleak betetzea dute helburu. Eta, bereziki, gurasoren bat edo biak espetxean dituzten haurrengan jarri dute arreta, eta gai horrek markatu ditu aste honetan egindako hainbat deialdi ere.