Skip to main content

Abian da festa eta gizarte kritikarako aroa Tolosan

Abian da festa eta gizarte kritikarako aroa Tolosan

Lehertu da festa Tolosan, ostegun gizenak agintzen baitu inauterietako asteburu nagusiaren hasiera. Tolosan, jai handia izaten da ostegun gizenetik asteartitara arte, eta, urtero bezala, plaza bete jenderekin abiatu dute zoramena, eguerdian, Berazubi auzoari independentzia emanda. Inauteriak Nafarrora ere iritsi dira: Iruñean, zehazki, pasa den asteburuan kaldereroek hartu zituzten Alde Zaharreko kaleak. Bihar, berriz, Mari Trapu izango da protagonista; Nabarrerian 19:00etan bere pregoia emango du kolorez beteriko asteburuari hasiera emateko.Bilbon, Konpartsek eta udal ordezkariek, Farolin eta Zarambolas aurkeztu dituzte, inauterietako ikono nagusiak. Farolin, Mikel Martinez aktore eta ostalaria izango da. Zaranbolas, aldiz, La Basu raperoa. Larunbatean, desfile nagusia egingo dute Bizkaiko hiriburuko karriketan. Eta horiez gain, Lantzen, Goizuetan, Lesakan, Mundakan, Unanun, Uztaritzen edo Zalduondon ere ospatuko dituzte inauteriak.


Gurean Gaur

Auzitegi Konstituzionala aldatzea galdegin dute, "plurala eta orekatua" izan dadin, "ideologiei eta lurraldeei dagokienez". EH Bilduren ekimena izan da, eta EAJ, Elkarrekin Podemos eta PSEk babestu dute, PP salbu, talde guztiek.


Gurean Gaur

Iruñeko Udalak adierazi du, horren bidez memoria historikoarekin duten konpromisoa berretsi egiten dela; izan ere, Maravillas errepresio frankistak Nafarroan eragin zituen biktimen ordezkari dela adierazi du Asiron alkateak. Horrekin lotuta, plazatik bertatik ikus daitekeen Eroritakoen monumentuari buruz Asironek egindako adierazpenak jaso ditugu


Gurean Gaur

Modu honetan, hemendik aurrera, eskuragarri daude interesdun guztiendako, Gobernuaren artxibo irekia webgunean. Bildumak euskaraz zein gazteleraz, frantsesez eta bestelako hizkuntzetan dauden dokumentuak jasotzen ditu.


Gurean Gaur

Mbolo Moye Doole migrateen eskubideen aldeko elkarteak eta SOS arrazakeriak kontzentrazioa egin dute Bilboko Gobernu Ordezkaritzaren Atzerritarren Bulegoaren aurrean, beren hitzetan, "klandestinitatera itzularaziko dituen" neurri baten aurka protesta gisa.


bannerra