Azken bideoak: Politika

Hauteskunde berriak egoteko aukera gainean da. irailaren 23a baino lehen Espainiako Presidentea aukeratzen ez badute, azaroaren 10ean bozkatzeko unea helduko da berriro. PSOEk hilabeteak eduki ditu egun hauek prestatzeko. Hala ere, orain hasi da, bi asteren faltan, beste talde politikoekin hitz egiten. Hori dela eta, hauteskunde berriak nahi dituztela dirudi. Jon Olano, Berriako kazetariak, egoeraren analisia egin du. EAJk eta Bilduk Sanchezen aukeraketa erraztuko dutela argitu dute. Podemosek zer egingo duen da orain argitu beharreko punturik garrantzitsuena.

Marixol iparragirre euskal presoa Espaniara eraman eta Audientzia Nazionalaren esku geratu da. Berria egunkariko Enekoitz Esnaola kazetariaren eskutik, gertatutakoaren gakoak jaso ditugu.

Espainiako presidente berria irailailaren 23a baino lehen aukeratu behar da. Bestela, hauteskunde berriak ospatuko liratezke, azaroaren 10ean hain zuzen. Hori ekiditeko asmoarekin, batzartu dira Jeltzaleak eta Sozialistak. EAJ alderdiak argitu duenez, Sanchezen aukeraketa errazteko egoeran daude, falta diren transferentziekin aurrerapausoak ematen badira. Sanchezek, ordea, bere proposamenak aurkeztu dizkie. Datorren egunetan argituko da azken aldian baino babes gehiago lortzen duen eta hauteskunde berriak ekiditzeko gai den.

Momentuz, aukera gehienak irekita daude. Hurrengo hilabeteetan erabaki behar du Londresko parlamentuak Europar Batasuna utziko duen akordio batekin, irteera bortitz bat izango duen edo epearen luzapena eskatuko duen. Amaiera epe honetan data garrantzitsu batzuk daude.

Espainiar estatuko armadak Ezkaba mendiko 52 hektarea okupatu nahi ditu. Iruñea iparraldetik babesten duen mendia hiriak eta herritarrek duten arnas guneetako bat da.

Marixol Iparragirrek abuztuaren 27an bete zuen frantziar auzitegiek jarritako 20 urteko espetxe zigorra. Reuko espertxean jarraitzen du oraindik; hori dela eta, Eskoriatzako Presoen Aldeko Plataformak eta Donostiako Antiguako Kalera Kalera dinamikak azpimarratu dute Iparragirrek kalean beharko lukeela. Espainiar agentzien filtrazioen arabera, asteazkenean espainiaratzeko asmoa dute Marixol, Auzitegi Nazionalean epaitu dezaten. 1995.urtean Luciano Cortizo Espainiako armadako komandantearen hilketarengatik epaitzeaz gain, Efe berri agentziak ziurtatu du Auzitegi Nazionalean hamabi auzi dituela irekita. Eskoriatzako eta Antiguako taldeek, ordea, salatu dute auzibide horiek torturapean sinatutako dosierrak dituztela oinarri.