Azken bideoak: Gizartea

Aberri Egunaren ondorenean Amaiurtik Euskal Herrira eta mundu zabalera egin dugu salto.

Perretxiko japoniarrak hautatu ditugu gaurko errezetaren protagonista izateko. Horrekin batera ardo beltz saltsa erraz bat prestatzen ere ikasiko dugu. Ikusiko duzue zein goxoa geratzen den eta ze erraza den egiteko!

Jaiak modu batean edo bestean ospatzeko helburuarekin eta komunitatearen garrantzia azpimarratu nahian, Batera Zaintza Sare Herritarrak danborrada herrikoi batean parte hartzeko gonbitea luzatu die Gasteiztar guztiei. Bestalde, Iruñean, Herri Sanferminak beste eragile batzuekin batera Iruñeako alkateari San Ferminen mahaia deitzea exijitu diote

Duela ia hilabetez geroztik egun bakar batean detektatutako kasu kopururik baxuena erregistratu da gaur Euskal Herrian. Guztira, 1.100 pertsona hil dira koronabirusarekin Euskal Herrian, eta 15.400 pertsonak eman dute positibo. Milaka langilek beren lantegietara itzuli behar izan dute gaur, eta sindikatuek salatu dute lantegi guztietan ez direla segurtasun neurriak bete.

Urte osoan zehar baldintza oso txarretan bizi dira errefuxiatuen esparruetan dauden herritarrak baina osasun alertak, are arriskutsuagoak eta kudeatzaeko zailak bihurtu ditu gune horiek. Aita Mari itsasontzia kudeatzen duen Itsas Salbamendu Humanitarioa erakundeko kide den Izaskun Arriaran erizainak azaldu digu egoera.

Aberri eguneko irudi ikusgarrienak bildu ditugu eta Nafarroako ikurrez aritu gara Angel Rekalderekin. Koroabirusarekin egunero lanean ari diren mediku, erizain eta supermerkatuetako langileekin izan gara, eta ospitaletako beharrak zeintzuk izango diren aurreikusi dugu Berta Ibañez matematikariarekin.