Azken bideoak: Gizartea

Pertsonen eta familien beharrei erantzuteko helburuarekin, Gobernu Kontseiluak zenbait neurri onartu ditu enpleguaren eta gizarte-politiken arloan. Koronabirusaren ondorioak arintzera bideratutako 1.025 milioi euroko funtsaren barruan dago neurri sorta. Horien artean, Gizarte Larrialdietarako Laguntzak finantzatzeko gordetako aurrekontu zuzkidura 16 milioi euro handitu izana nabarmendu du Urkullu lehendakariak.

Txinako Osasun Komisioak apirilaren 6an emandako datuen arabera, 32 koronabirus kasu berriak atzerritik joandako jendearenak izan dira. Horrez gain, asintomatikoen beste 30 kasu zenbatu dituzte. Hildakorik batere ez, ordea.

Mikrobiologoa da Miren Basaras. Bere iritziz, birusaren etengabeko transmisioa egonik, ezin da baztertu gaixotasunaren bigarren eta hirugarren olatuak gertatzeko arriskua. Populazioaren gehiengo handi bat guztiz immunizatua egon ezean, hori gertatzeko arriskua benetakoa da.

22 eraso matxista salatu dituzte Nafarroan itxialdiaren epealdian. Gaur egun, 20 emakumeri eta 22 adingaberi ematen zaie arreta Nafarroako Gobernuak eskainitako guneetan, eta datozen egunetan kasu gehiago izatea espero dute agintariek.

Agintariak positibo eman zuen duela hamar egun, harrez geroztik, bakartuta zegoen Downing Streeteko erresidentzian. Haren egoera okertu eta Londres erdialdeko ospitale batera eramatea erabaki zuten medikuek. Atzo, apirilaren 6an ordea, okerrera egin zuen haren osasun egoerak, eta Zainketa Intentsiboko Unitate batera eraman dute. Gobernuaren buruzagitza Dominic Raab Atzerri ministroaren esku utzi du behin-behinean.

Koronabirusak heriotza kopuru handia eragin du abiadura bizian, eta horrek arazo larriak sorrarazi ditu hainbat hiritako hileta-zerbitzuetan. Hori dela eta, zeinbat lekutan, neurri bereziak hartu behar izan dituzte gorpuak gorde eta familiak eskatutakoa betetzeko.