Skip to main content

Azken bideoak: Gizartea

bideoa prestatzen
"Mezua da lehen eta bigarren mailako herritarrak daudela, soilik emakumeon eskubideen alde egiteagatik"

2018-09-05
Azken ukituak ematen harrapatu dugu Oihana Etxebarrieta Hondarribiko Alardeko Jaizkibel konpainiako kapitaina. Hondarribiko Udalak aurten ere harrera egingo ez diela eta bi eskaera egiten dizkiote agintariei. Batetik Udalak herritar guztien ordezkari izan behar duela eta bestetik egun dagoen gatazkaren konponbiderako urratsak eman behar dituela elkarrizketarako bideak ahalbidetuz. Jai parekideen norabidean tamalez urratsak geldoak izaten ari direla dio baina honek atzera bueltarik ez duela.
bideoa prestatzen
Sindikatuen arabera, lan baldintzen prekarizazioa da istripuen oinarri nagusia

2018-09-05
43 pertsona hil dira aurten, udan 15, lan istripuen ondorioz. Egoera lazgarri honen aurrean, Hamaika Telebistan sindikatu nagusien iritzia jaso nahi izan dugu. Beharginen baldintzen "prekarizazioa" giltzarritzat jo dute.
bideoa prestatzen
Aurrerapena: Oihana Etxebarrietari, Jaizkibel konpaniako kapitainari, egindako elkarrizketa

2018-09-05
Irailaren 8an, urtero moduan, Hondarribiko alardea ospatuko dute. Hamaika Telebistak Oihana Etxebarrieta elkarrizketatu du, Jaizkibel konpaniako kapitaina. Egungo egoeraz, iraganaz eta etorkizunera begirako erronken inguruan aritu gara. Bihar, elkarrizketa osoa ikusgai.
bideoa prestatzen
Euskara Nafarroa osoan ofiziala izateko eskatzeko manifestazioa deitu du Kontseiluak

2018-09-05
Euskara Nafarroa osoan ofiziala izan dadin manifestazioa deitu du Kontseiluak urriaren 27rako Iruñean. “Euskara ofiziala Nafarroa osoan behingoz” lelopean burutuko da mobilizazioa, ofizialtasuna eskatzearekin batera, zonifikazioa gainditzeko beharra eta nafar guztien hizkuntza eskubideak berma daitezen eskatuko du. Kontseiluko idazkari nagusi Paul Bilbaok adierazi duenez, Euskararen Lege berria lantzen ari den abagunea probestu behar da bultzada berria emateko.
bideoa prestatzen
Erraustegiaren bigarren fasea eraikitzea sinatuta, giza katea deitu du aurkako mugimenduak iganderako

2018-09-04

Zubietako errauste plantaren bigarren fasea eraikitzeko eta ustiatzeko kontratua sinatu dute GHK eta FCCk. Legealdia amaitu aurretik nahi zuen Foru Aldundiak azpiegitura martxan, eta badirudi ez dela horrela izango. Baina Jose Ignacio Asensio GHKko presidente eta Gipuzkoako Ingurumen Diputatuak iragarri du “urtebetean” prest egongo dela.

Ba hain justu, azpiegutura martxan jartzea geldiarazi nahi du Errausketaren Aurkako Mugimenduak, eta giza kate bat egiteko deia egin die herritarrei iganderako, Kontxako Banderako gizon eta emakumezkoen proben artean. Deitzaileek adierazi dute alternatibak badaude, eta osasun, ekonomia eta ingurumen ikuspuntutik argudiatu dute geldiarazteko beharra. Gainera, azpimarratu dute ez dela bere osotasunean erabiliko; ez behintzat, Gipuzkoako hondakinekin. Gehiengo sindikalak, Batzar Nagusietako oposizioko alderdi politiko gehienek eta talde ekologistek bat egin dute deialdiarekin.