Azken bideoak: Ekonomia

Aurrekontu proiektua onartzeko akordioa lortu dute PSOEk eta Unidas Podemosek. Izan ere, Espainiako Gobernua sostengatzen duten bi alderdiek bart lortu dute akordioa, Ministroen Kontseiluak Estatuko aurrekontu orokorraren aurreproiektua onartu bezperan.

Pedro Sanchez Espainiako presidenteak iragarri duenez, aurrekontuak astearte honetan onartuko dituzte Ministroen Kontseiluan. Gobernuko buruak Presidenteen Konferentzian jakitera eman duenez, kontuak aste honetan onartuko dituzte, 2021aren hasieran indarrean jartzeko.

Ipar Hegoa eta Iratzar fundazioek iragarri dutenez, Uhinak Beketara aurkeztutako ikerketen sintesiak interes handiko gaiei begirada berriak eskaitzen dizkiete. Proiektuak aurkezteko epea bukatuta, lanak tribunalean aurkitzen dira orain, eta 2021eko urtarrilaren 15ean argitaratuko dituzte zazpi beken esleipenak.

Espainiako Gobernuak laneko genero desberdintasunaren aurkako bi dekretu onartu ditu Ministroen Kontseiluan. Berritasun nagusia da enpresak behartuta egongo direla sexuaren aldagaia kontuan hartuta soldaten erregistroak sortzera, lanpostuak baloratzeko sistema bat ezartzera eta ordainsarien auditoria bat egitera. Horrez gain, enpresetan berdintasun planak garatzeko aurreko dekretua zabaldu du gobernuak. Bi dekretu hauek hizpide, soldata arrakalaren gaiari heldu diogu Estitxu Garai Euskal Herriko Unibertsitateko irakasle eta ikerlariarekin batera. Azaldu duenez, soldata arrakala ehuneko bat: gizonezkoek kobratzen dutenaren eta emakumeek jasotzen dutenaren arteko desberdintasuna, alegia. Generoak sortzen duen soldata arrakalan baina, bestelako zapalketak gurutzatzen direla gehitu du ikerlariak.

Aplikazio digitalen bidez sortutako negozio eredu batzuk prekarietatea, isolamendua eta langileen eskubideak urratzen dituela salatu dute askok. Sistema berri hau "Uberizazioa" bezala definitu izan dute. Gurean Gaur albistegian Mikel Alvarezek fenomenoaren definizioa osatu zuen.

Ikasturtea hasi zenetik Haurreskolak Partzuergoko gerentziarekin eta Lakuarekin «inolako harremanik» izan ez dutela jakinarazi dute LAB, Steilas eta ELA sindikatuek. Lan baldintzak hobetzea, negoziazioa eta kontratazioa «desblokeatzea» eskatu dute ere.