Azken bideoak: Kultura

Artistaren 90. Urtebetetzean bere obrak naturarekin duen harreman estuan sakonduko du bildumak. Iragan astean inauguratu zuen Bizkaiko Foru Aldundiak eta aretoa osorik hartu dute Ibarrolaren 70 lan baino gehiagok. Jose Ibarrola artistaren semeak komisariatu du erakusketa.

Azaroaren 10ean Arriaga antzokian estreinatuko dute "Ez dok ero", Tartean teatro konpainiaren baitako "EzDok3" lan lerroko azken emaitza. Euskal kulturaz eta euren buruaz barre egingo dute antzezlan honetan Patxo Telleriak eta Mikel Martinezek.

Gurean Gaur albistegiaren baitan proposamen kulturalei leihoa ireki diegu Irati Agirreazkuenaga irakasle eta antzezlearen eskutik. Besteak beste, Bilbon ospatutako Seriesland jaialdia, webserieak, Debagoieneko emakume ekintzaileen inguruko "17 Mujeres, Ausolan" proiektua eta etxean ikusteko hainbat proposamen: Pikuak, Borgen, Deutschland89 edo Unothodox.

Patxo Telleria da aste honetako protagonista Artekalen. 'Ez dok ero' antzezlan berria estreinatuko du EzDok3 kolektiboak Arriaga antzokian azaroaren 10ean. Halaber, Zinebi eta Zinetika jaialdiaen eta Donostiako fantasiazko eta beldurrezko zinemaren astearen berri ere emango dizuegu.

Atal berri honetan Testura egitasmoa ezagutuko dugu, eta horretarako Berriz herriko Kultur Etxean egin dugu hitzordua! Hitz bitan atalean, berriz, Skakeitan taldeko Aitor Valcarlosen gustuko diskoak, aretoak eta kantuen berri izango dugu!

Urriaren 26tik azaroaren 1era luzatuko da Zinetika Jaialdiaren bosgarren edizioa. Donostia, Bilbo eta Iruñean eskainiko du bere programazioa jaialdiak. 24 filmen proiekzioak, bi masterclass-ek, bi performance-ek eta tailer batek osatzen dute proposamena, dantzaren eta teknologia berrien arteko harremanak lantzeko asmoarekin.