Azken bideoak: Udala

Donostiako Udaleko Tokiko Gobernu Batzordeak 2020 urteko Enplegu Publikoaren Eskaintza onartu du. Horren barruan langile funtzionarioen plantillako lanpostu hutsak, sarrera berriko eta barne sustapeneko langileentzat sartzen dira. Txanda irekiko 30 plazak, 21 administrari, 6 udaltzain eta 3 euskara teknikari dira. Lanpostu horiez gain, barne sustapeneko 5 plaza daude, udaleko langileek beren karrera profesionala garatu ahal dezaten.

Oiartzungo Udalak Aranzadi Zientzia elkartearekin batera, 1936tik egundaino herrian izan diren giza eskubideen urraketak ikertuko ditu datozen lau urteetan. Etorkizuneko bizikidetza eraikitze aldera, iraganari begiratu behar zaiola azaldu du Jexux Leonet alkateak. Era horretara, giza eskubideen urraketa guztiak azaleratu eta bizikidetza oinarri sendoak jartzeko, gertatutakoa berriz ez dagin errepikatu.

Gurean Gaur albistegiaren baitan, Bilboko udaleko segurtasun zinegotzi Amaia Arregirekin hitz egiteko aukera izan dugu. Aurreko asteburuan emandako istiluak eta hiriaren erronkak hizpide, LABIak har ditzakeen neurri berrien aurrean hiria prest dagoela nabarmendu du.

Gurean Gaur albistegiaren baitan, Galdakaoko alkate Iñigo Hernandorekin hitz egiteko aukera izan dugu. Izurriak gogor jo du herria eta uneotan eremu gorrian sartuta dago. Egoeraren inguruan eta Eusko Jaurlaritzak ezarritako neurriei buruz hitz egin dugu berarekin.

Udal gehiengoak Navarra Sumari eskatu dio Amaya kalean autobusa lehenestea garraio publikoaren zerbitzuko denbora atzerapenak ekiditeko. Udan hiriko arteria nagusienetako bat den kaleko egitura aldatu zuen Fermin Alonso zinegotziaren sailak eta EH Bilduk, Geroa Baik eta PSNk eskatu diote aurreko legealdian proiektatutako Labriteko korridore jasangarriaren proiektuak agindutakoari eusteko.

Navarra Sumak mozioa aurkeztu zuen 2019ko txupinazoan ikurrinaren debekuarengatik izandako tirabirengatik epaileak koalizio abertzaleko zinegotziari delitu zantzuak egotzi ondoren.