Azken bideoak: Atxilotuak / presoak

Espainako Auztegi Nazionaleko epaile Isamel Morenok aginduta egin dituzte atxiloketak, gaur goizean. Helburu terroristekin lehergailuak edukitzea leporatu diete 2019an Ertzaintzak Arraia-Maeztun aurkitutako zulo batekin lotura dutelakoan.

Zaballako espetxean beste preso bat hil da, 35 urteko gizonezko gasteiztarra. Salhaketa elkarteak ohartari du ziega batean aurkitu dutela gorpua. Aurten espetxe berean arrazoi ez naturalengatik hil den laugarren presoa da, eta iraileko bigarrena.

Frantziak ontzat eman du herriko tabernen auzian Espainiako Auzitegi Nazionalak Josu Urrutikoetxearen kontra egindako euroagindu eskaera. Defentsako abokatuak adierazi duenez, euroaginduak ez du errespetatu oinarrizko prozedura, baina epaileak ez du argumentua onartu. Testuinguru honetan, Urrutikoetxearen familiak Dei Auzitegiaren erabakiaren aurka helegitea jarriko duela adierazi du Kasazio Auzitegian.

Preso eta iheslarien etxeratze prozesua abian jarri eta elkarbizitzarako eta bakerako bidean aurrerapausoak aldarrikatzeko helburuarekin antolatu dute mendi igoera. Familian, lagunartean edota 400dik gora herri eta auzoetatik antolatu diren irteeren bitartez burutuko da mobilizazioa.

EPPK-k «samina» azaldu du Gonzalez Solaren heriotzarengatik, eta gaineratu du egungo espetxe politika «gizagabeak» arduradun «zehatzak» dauzkala. Kolektiboaren agiria larunbatean Sortuk Haserre Eguna deituriko ekimena eta gero iritsi da. Ekintzan, salbuespenezko kartzela-politikaren ondorioz hildako 49 euskal herritarren aurpegiek Espainiako Gobernua interpelatu dute Bilbon duten egoitzan, Igor Gonzalez Solaren heriotzaren ostean egindako gau batean.

‘Haserre Gaua’ izeneko mobilizazioa deitu du Sortuk Bilbon larunbat gauerako. Igor Gonzalez Sola euskal presoaren heriotzaren ostean, Gobernu espainolaren «inakzioa» salatzeko eta espetxe-politikaren aldaketa bat exijitzeko antolatu da ekimena.