Skip to main content

Azken bideoak: Atxilotuak / presoak

bideoa prestatzen
Jakes Esnalen askapenari helegitea aurkeztu dio fiskaltza antiterroristak

2020-05-12
Ipar Euskal Herriko ordezkaritzak gogor salatu du fiskaltzaren jarrera. 30 urte baino gehiago pasa dira Jakes espetxeratu zutenetik eta aurten 70 urte beteko ditu.
bideoa prestatzen
Sarek, Etxeratek eta Salhaketak presoen egoera "ezkutatzea" egotzi diote Espainiako Gobernuari

2020-05-05
Sarek, Etxeratek eta Salhaketak nabarmendu dute euskal presoen "ehuneko handi batek" nazioarteko erakundeen jarraibideak betetzen dituela. Gainera, Eusko Jaurlaritzak izan duen jarrera salatu dute; datuak "ezkutatu" izana egotzi diote Araba, Bizkaia eta Gipuzkoako kartzeletako osasun eta segurtasun arloko eskumena badu ere. Izan ere, kutsatutako presoen kopurua oso murritza da funtzionarioenarekin alderatuz. Honela, dei egiten diete eragile politiko, sozial eta sindikalei 'Espainiako kartzeletako koronabirusaren kudeaketaren salaketa' adierazpenarekin bat egin dezaten.
bideoa prestatzen
Aske geratu da Zigor Garro, estatu frantziarrera itzultzeko debekuarekin

2020-05-05
Polizia frantziarrek polizia espainiarraren esku utzi dute preso ohia Bidasoako mugan. Estatu espainiarrean tramite batzuk egin ondoren aske geratu eta Oreretara itzuli da 22 urteren ondoren.
bideoa prestatzen
Hirugarren gradua eman diete hiru euskal presori

2020-04-30
Jagoba Codo, Fernando Alonso eta Xabier Agirre euskal presori hirugarren gradua eman diete.
bideoa prestatzen
Etxetik etxera II

2020-04-24
Sare Herritarrak eta Etxerat Elkarteak elkarlanean, Etxetik Etxera II saio berezia egin du azken ostirala aitzaki hartuta. Hemen duzue ikusgai.
bideoa prestatzen
Sareren saio berria Hamaika Telebistan ikusgai

2020-04-24
Sarek, martxoaren amaieran egin zuen bezala, gaur ere saio berezia egingo du sare sozialetan, euskal preso, iheslari eta deportatuen eskubideak aldarrikatzeko, bisitarik jasotzen ez duten egoera honetan. Arratsaldeko 7etatik aurrera izango da, Sareren Youtube eta facebookeko kanaletatik streaming bidez, edota hamaika telebista eta hamaika.eus-etik jarraitzeko aukera egongo da. 30 minutuko saioa zinez hunkigarria izango da. Itzi Gamero ipuin kontalariak, kultur munduko hainbat aktore eta kideen laguntzaz, salbuespen legediaren eta egungo konfinamendu egoeraren ondorioz preso eta senideek bizi dituzten hainbat egoera jasotzen dituen ipuina irakurriko dute, tartean, Ramon Agirre aktorea. Ondoren Anaiz Funosas bakegileak frantziar estatuan euskal presoek bizi duten egoeraz hitz egingo du, eta Olivier Peter Europar abokatuak Nazio Batuen Erakundeko gomendioen inguruko iritzia ekarriko du. Saioaren ostean, herritarren txanda izango da: leihoak ireki eta hiru aldiz txistu egitera dei egiten zaie, salbuespen legediarekin amaitu behar dela eta etorkizun berri bati leihoak zabaltzeko ordua dela irudikatzeko. Momentua grabatu eta sare sozialetara igotzeko eskatu du Sarek. Hortaz, gaur arratsaldeko 7etatik aurrera Sareren Facebook eta Youtubeko kanaletan eta Hamaikan, bai telebistan, bai web gunean elkartasun hitzordua egongo da, jasanezina den egoera honekin amaitu behar dela munduari erakusteko.