Azken bideoak: Atxilotuak / presoak

Azken ostirala dela eta, euskal preso, iheslari eta deportatuen eskubideak aldarrikatzeko saio berezia prestatu dute Sarek eta Etxerat Elkarteak. 19:00etik aurrera, ikusgai izango duzue Hamaika Telebistan eta www.hamaika.eus webgunean.

Nafarroako Sarek, Salhaketak, Etxerat eta Altsasu Gurasoak eragileek bat egin dute giza eskubideen aldeko Espainiako Estatuko 70 plataformekin, eta Espainiako Gobernuari eskatu diote lehenbailehen gauza dezala espetxe politikaren arloko neurri plan bat, "presoen osasuna bermatzeko". Horretarako, nazioarteko eta Europa mailako erakundeen gomendioei kasu egitea eskatu diote.

Etxeratek, mundu mailako pandemiaren eraginak ikusitik, espetxeetan osasun zerbitzu duina exijitu du, aldarrikapen nagusiekin batera. Senideek arduraz bizi dute egoera, Urtzi Errazkin bozeramailearekin izan gara.

Bilbon jaiotako azkoitiarra 62 urtekin hil da. Txetxu Urteaga hainbat taldetan militatu zuen, tartean, zentral nuklearren aurkako mugimenduan, ETA PMean eta KAA Komando Autonomo Anikapitalistetan. Azken talde honetako kidea zela, 1979an Ipar Euskal Herrira egin zuen ihes. Bi aldiz harrapatu zuen Frantziako poliziak, Espainiar Estatuko estradizio eskaera deuseztatuz. Harrpatu zuten azken alditik bi hilabetera, 1984ko maiatzean, Venezuelara eraman zuen frantziako poliziak, turista-bisarekin eta eskoltatuta. Venezuelan 36 urte egon ostean, garuneko tumore batek hil du. Euskal Iheslari Politikoen Kolektiboen datuen arabera, gaur gaurkoz 8 euskal deportatu daude atzerrian. Venezuelan bat, Kuban 3 eta 4 Kabo Berden. Txetxurekin hildako deportatuak 12 dira. Sortuk senide lagun eta errepresaliatuei doluminak eta elkartasuna trasmititu die. Gainera, gehitu dute bizikidetzaren marko berria eraikitzeko “ezin dela zio politikoko preso deportatu ez iheslaririk egon.”

“Desordena publikoak” eragitea leporatzen dien zitazioa jaso dute Iruñerriko zazpi gazteek. Espainiar poliziak ikerketapean dauden gazteak identifikatu zituen ihauterietako ostiral arratsaldean. Egun horretan, polizia autoak abiadura handian sartu ziren Sanfrantzisko Plazan eta 14 urteko gazte bat harrapatu zuten.