Azken bideoak: Jaiak

Aste Nagusirako alkohol kontsumoaren arriskuen inguruko programa martxan jarri dute Bilboko Konpartsek eta Etorkintza Elkargoak. Gida horretan, alkoholaren kontsumoaren fase ezberdinak aztertu dituzte, besteak beste. Prebentzioa da gidaren helburu nagusia, jendeak informazioa izan dezan.

Bere bikotekidea jotzea leporatuta, atxilotu egin dute erasotzailea. Bilboko Aste Nagusian eman den hirugarren eraso sexista da. Asteazkenean beste sexu eraso bat salatzeko elkarretaratzea egin zuten ordu berean gertatu zen hirugarren hau. Gertaturikoa salatzeko, elkarretaratzea egin dute Bilboko Udalak eta Bilboko Konpartsek deituta.

Ohi bezala, gastronomikoan bakailaoa izan da nagusi. Baina ez edozein eratara prestatutako bakailaoa, pil-pil eran prestatu behar izan dute parte-hartzaileek. Giro paregabearekin egin dugu topo, baina tamalez, ezin izan ditugu parte-hartzaileen platerak dastatu.

Bakailao goxo-goxoa egiteko maitasuna eta mimoa behar dela esan digute gastronomikoan. Ikasteko aukera izan dugu.

Bortxaketa saiakera berria salatu dute Bilboko Aste Nagusian. Uda latza beste behin, festetan erasoak ugaritu baitira. Bilgune Feministako kideekin izan gara iceberg erraldoi baten punta den arazo estruktural honi buruz hausnartzeko. Izan ere, parekidetasuna zailtzen duten hainbat puntu daude oraindik ere festetan, espazio publikoaren erabilera bera adibidez. Bilguneko kideek ondo azaldu digute.

Barruan daramagun haurra ateratzeko, urtero Kasilda parkean egiten den  txikigunera hurbildu gara. Bertan gargantuarekin, puzgarriekin eta beste hainbeste jolasekin ibili gara umeak izango bagina bezala.