Azken bideoak: Gazteria

Sare sozialak zertarako eta nola erabiltzen dituzten galdetuko diegu gazteei Aizank! saioan. Ostegunean, apirilak 28, 20:00etan eta 22:30ean.

Aizank! saioaren lehen atalean, Bilboko Urretxindorra Ikastolan egon gara. Etorkinekiko zein jarrera duten galdetu diegu eta egungo errefuxiatuen krisiaz duten iritzia ezagutu dugu, besteak beste.

Immigrazioaren gaiari helduko diogu Aizank! saioan. Bilboko Urretxindorra ikastolako gazteekin errefuxiatuen krisiaz eta etorkinekin dugun harremanaz hitz egingo dugu. Ostegunean, apirilak 14, 20:00etan eta 22:30ean.

Gurean Gaur elkarrizketa saioan Euskadiko Gazteriaren Kontseiluko Itsaso Andueza izan dugu. Besteak beste, gazteen lan baldintzez, gazteek dituzten beharrez eta egun bizi duten egoeraz aritu gara hizketan.

Okupazioa izan dugu hizpide. Kukutzaren kontrako epaiketaren erdian eta Kortxoenearen etorkizuna erabakitzeko dagoen une honetan, okupazio eredu ezberdinak aztertuko ditugu, okupazioa ulertzeko eta gauzatzeko eredu ezberdinak daudelako Euskal Herrian. Gernikako Astra, Donostiako Kortxoenea eta Gasteizko Errekaleor Auzoa ezagutu ditugu.