Azken bideoak: Sindikatuak

Gurean Gaur albistegiaren baitan, elkarrizketaren tartea, LAB sindikatuko idazkari nagusi Garbiñe Aranbururekin hitz egiteko aukera izan dugu.

24 pertsonaren hitzak jasoko Ana Jesus Zulueta epaileak, gaur hasi eta datorren astelehenera bitarte. Tartean, inputatuta dagoen Covadonga Fernandez Neurokirugiako espezialistak deklaratuko du, oposaketetan epaimahai burua izan zenak, LABek honen aurka salaketa jarri eta epaileak autoz onartu ostean. Epaileak uztailean kaleratutako autoak eskatzen zituen halaber, bilera edo espedienteei buruzko hainbat dokumentu eta akta aurkezteko. LAB akusazio partikular gisa arituko da, “19 kategoriatan ohar sinesgaitzen ebidentziak zabaldu zituen txosten estatistikoaren berri emateko”. LABen arabera auto honen ondoren, “epaileak irekita uzten du Osakidetzaren aurreko zuzendaritza inputatzeko aukera, zilegi ez den elkarteagatik, kontratazioan iruzur egiteagatik eta sekretuak jakinarazteagatik, eginbideak egin arte”. 2018ko ekainaren 4an azaleratu zituzten mediku espezialisten proban izandako iruzurra azaleratu zuten paperak. Susmopean dagoen eskaintza 2016-2017koa da eta etenda daude lanpostu banaketa horiek.

Aste honetarako gainera bilerak iragarri dituzte alderdi politiko eta Maria Txibite Nafarroako presidentearekin.

Orain astebete jakinarazi zuen Siemens Gamesak Agoizko ekoizpen planta isteko asmoa zuela. Ordutik aurrera erreakzioak hamaika izan dira. Nafarroako eskualde honetako fabrika handienetako bat da haize errotena eta horren itxierak 250 langile ingururen kaleratzea ekarriko luke.

Joan den ostiralean zendu zen ekainaren 29an izandako istripuaren ostean ospitaleratutako langilea. Gasteizeko aretxabaleta auzoan jazo zen ezbeharra, langilea kamioi batetik erorita larri zauritu zen. Izobex Construcciones enpresak azpikontratatutako Adania enpresako langilea da biktima eta sindikatuak aditzera eman duenez, istripuaren arrazoiak argitzeke daude oraindik.

Eusko Jaurlaritzak Bilbon duen egoitzaren aurrean elkarretaratzea deitu du Teknikariok sindikatu sortu berriak eta langileek ahaztu ez ditzaten exigitu diote Lakuako gobernuari. Beren egoera jasangaitza dela aldarrikatu dute eta langabeziaren arrisku errealean bizi direla salatu ere.