Azken bideoak: Literatura

Halaxe du izena musikariak eta idazleak elkarrekin sortutako azken lanak, "Hitzak hots". Galdera batetik abiatu zuten prozesua: Zergatik musikatu da emakumezkoen hain testu gutxi euskal kantagintzan? Jule Goikoetxea, Itxaro Borda, Tere Irastorza, Miren Agur Meabe eta Arantxa Urretabizkaia idazleen lanen artean zortzi aukeratu ditu Valverdek kantu bilakatzeko.

“Neskamearen ipuina” eleberria argitaratu du Txalaparta argitaletxeak. Margaret Atwood idazlearen “The Handmaid’s Tale” nobela distopikoaren euskarazko itzulpena da, Zigor Garrok euskaratua. Kontakizuna Bruce Miller-ek sortutako telesailari esker lortu du oihartzuna azken urteotan.

“Aitaren Etxea” lanarekin lortu du Euskadi Literatura Saria eta harekin batera, Iñigo Astiz kazetari eta idazle nafarraren “Joemak eta polasak” eta Miren Aisiainen “un millon de ostras en lo alto de la montaña” liburuak ere saritu ditu epaimahaiak, haur literatura eta lan literarioen ilustrazioaren ataletan, hurrenez hurren.

Igartza Sarien XXIII. Edizioa irabazi du Maddi Ane Txoperena idazle, kazetari eta bertsolariak, “Ez erran inori” liburuaren proiektuagatik. Liburuaz, sormen prozesuaz eta irabazi berri duen sariaz hitz egin dugu berarekin.

Maddi Ane Txoperena kazetari, bertsolari eta idazleak jaso du aurtengo Igartza saria “Ez erran inori” eleberriaren proiektuarengatik. Liburuak Lidek haurtzaroan sufritutako sexu abusuak kontatuko ditu hainbat ikuspegi, ahots eta emoziotatik, sentimenduen isla diren gorputz adierazpenak ardatz hartuta.

'Xabier Lete: Aberriaren poeta kantaria' lana ondu du Alex Gurrutxagak gure herriko sortzaile handienetarikoaren ibilbidea aztertu eta zabaltzeko. "Poeta, kantari eta intelektuala" izan zela adierazi du eta hala, hiru zatitan banatu du bere saiakera. Gainera, aste honetan, Jon Maiaren "bihar" manifestutik sortutako mundu mailako mugimenduaz arituko gara, baita kultura sektorean azkenaldian sortutako kolektiboez eta antolatutako mobilizazioez.