Arduratuta agertu dira EAEko editoreak alarma-egoerak liburuen sektorean ekar dezaken krisi larriagatik. Euskal Editoreen elkarteak, Euskadiko Liburuen Ganbarak eta Euskadiko Editoreen Elkarteak batera igorritako txostenean, 2008ko krisi ekonomikoaren kolpe gogorretik oraindik osatu gabe heldu daiteken bigarren beherakada aurreikusi dute. Aditzera eman dutenez, %35ean egin zuen behera orduan fakturazioak eta oraingo honetan, konfinamendua luzatzekotan, 50 milioi euroko beherakada aurreikusi dute sektorean.
Amaia Nausiaren '¿Vírgenes o putas?' liburuaren hirugarren edizioa argitaratu du Txalapartak. Liburuan historialariak Nafarroako konkistari begiratu dio, baina ohiko irakurketetan itzalean geratzen diren horiengan jarri du fokua: emakumeengan.
Azalik gabeko obra-liburua argitaratu berri du Josune Ilundain artistak, Greylock argitaletxearekin. Iruñeko Katakraken aurkeztuko du lana, martxoaren 12an, 19:00etan.