Azken bideoak: Euskara

Inoizko kanpainiarik malguena eta seguruena martxan jarri dutela iragarri dute EAEko 101 euskaltegiek. Bilboko Udalak eta bertako euskaltegiek kanpainiarekin bat egin dute. Aurtengo ikasturtean euskaltegiek izango duten malgutasun horretan jarri dute arreta, ikasle bakoitzak erabaki ahal izango baitu euskara ikasteko komeni zaion formatua.

Emisioaren multiplexaren aldaketak direla eta 38.enetik 39.era mugituko da euskarazko telebista digitala.

AEK-k ikasturte berria aurkeztu eta ireki du dagoeneko 2020-2021 ikusturteko matrikulazioa, “AEK-n irakasle batek bik beste balio du” lelopean. Santutxuko AEk euskaltegian egindako agerraldian ohiko ikastaroekin jarraituko dutela adierazi dute, eta azpimarratu dute unean uneko osasun neurrietara egokituko direla.

Irailaren 2tik aurrera Txapela buruan saioaren estreinaldia izango dugu Hamaika Telebistan. Asteazkenetan eta ostiraletan, 21:30etik aurrera, atzerritik Nafarroara etorri eta euskara ikasteko huatua egin duten hainbat pertsona ezagutuko ditugu. Ez hutsik egin!

Jean Michel Balnquer Frantziako hezkuntza ministroaren ordezkari batekin bildu dira Alain Hiriart Hiriburuko auzapeza, Vincent Bru Pirinio Atlantikoetako departamenduko diputatua, Max Brisson senataria eta Jean Rene Etxegarai Euskal Hirigune Elkargoko lehendakaria. Hiriburuko Baste Quieta eskola publikoan euskara hutsezko esperimentazio proiektu bat abiatzea ukatu zuen Bordeleko errektoretzak, derrigorrezko irakaskuntza frantsesez egin behar dela argudiatuta. Errektoretzak Alain Iriart Hiriburuko auzapezari gutun bidez eman zion debekuaren berri, iragan uztailean. Gutun horretan azaltzen zen, Frantziako 1958ko Konstituzioaren arabera, 3 urtetik aurrera, derrigorrezko irakaskuntza, frantsesez, “Errepublikako hizkuntzan” egin behar dela.

Lehenengo emakume bertsolarietako bat izan zen, gizonezkoa zen esparruan zirrikitua irekiz. Bertso sortekin hainbat sari eskuratutakoa da Inaxi Etxabe, eta Basarri bertsolari ezagunari erantzun izanagatik eman zen aditzera. Basarrik 'Aitonaren malkoak' izeneko bertso sorta argitaratu zuen 1955ean Anaitasuna aldizkarian, eta, bertan, bere ustez emakumeek gaizki egiten zituztenak aletzen zituen. Ez zitzaizkion bertsoak gustatu Inaxi Etxaberi, eta erantzun egin zion beste bertso sorta batekin, gizonezkoek gaizki egiten zituztenak kontatuz. Orain dela bost agertu zen, berriro ere, komunikabideetan eta oholtza gainean, Beñat Gaztelumendiri txapela jarri zionean Gipuzkoako finalean. Belaunaldi berrienetara iritsi da haren irudia eta haren eredua.