Azken bideoak: Ikuskizunak

Gurean Gaur albistegiaren baitan proposamen kulturalei leihoa ireki diegu Irati Agirreazkuenaga irakasle eta antzezlearen eskutik. Besteak beste, Bilbon ospatutako Seriesland jaialdia, webserieak, Debagoieneko emakume ekintzaileen inguruko "17 Mujeres, Ausolan" proiektua eta etxean ikusteko hainbat proposamen: Pikuak, Borgen, Deutschland89 edo Unothodox.

Sexu askapenaren eta LGTBI kolektiboaren aldarrikapenei bide eman dieten Ibai Fresnedo ekintzaileak eta Yogurinha Borova artistak indarrak batu dituzte “Txorimalo: Normalaren Uxatzaile” ikuskizunaren sorreran. Urriaren 20tik 23ra bitartean lau emanaldi eskainiko dituzte Aldama Fabre Gallery aretoan. Hain zuzen, Drag kultura gaueko aisialdiaren testuingurutik atera eta galeria batean eskaintzea izan da Yogurinha Borovaren helburua proiektuaren sorreran eta hausnarketarako eta eztabaidarako tarteari irekiko dio ikuskizunak.

Bilbon, Gasteizen eta Iruñean kultur arloko profesionalak kalera atera dira bart ikuskizun eta ekitaldi "seguruak" aldarrikatzeko. Muga mugan dagoen sektorea da, pandemiak gogor jo duena. Gobernuari eta Lan, Ogasun, Gai Ekonomiko, Kultur, Kirol, eta Industria sailei eskatzen diete datozen asteetan sektoreen honen iraupena bermatzeko urgentziazko neurriak hartu ditzaten. Baita, haien esanetan, “beharrak aztertuko dituen mahai sektoriala berehala sor dezaten” ere. Sektorean oraindik langabezia-zifrarik ez duten arren, aurreratu dute data hauetan gauzatutako lan-bolumena % 10ekoa dela aurreko urteekin alderatuta.

SOS Kultura plataformak elkarretaratzeak egin ditu Hego Euskal Herriko lau hiriburuetan. Manifestuan irakurri dute kultura, “eskubidea, ondarea, lana, osasuna, identitatea, irizpidea eta gizartea eraikitzeko oinarria dela”. Mikel Pikaza plataformako kideak adierazi duenez hiru hilabeteren ostean egoera “oso kezkagarrian” dago sektorea, horregatik kultura beharrezko ondasun gisa onartua izan dadin eskatzen diete administrazioei, lehenengo urrats gisa. Gehitu du laguntzak martxan jartzeko, aurrekontuak bermatuak izan behar dituztela instituzioek, eta sektorean eman diren laguntzetan, zozketazko esleipenak esan dute, “deitoragarriak” direla. Horrekin batera, salatu du plataformak, protokolo zehatzak behar direla, eta ezin dituztela izan “jarduera blokeatzen dituen prokolo batzuk, dekretuek lana ahalbidetzen duten bitartean”. Nabarmendu dute, mobilizazioekin jarraituko dutela, “kultura bere lekuan jarri arte”.

Ikuskizun zein ekitaldietako teknikariek sortu dute kolektiboa, gero sindikatu bihurtzeko asmotan. Lan baldintza "prekarioak" eta "erregulazio falta" salatu dituzte, jardun luzeak egiten dituztela lan, langileen estatutua bete gabe. Egoera normaltasunera bueltatu arte eta krisiak eragindako galerak "leuntzeko", kulturara zuzendutako diru-laguntzen ehuneko bat "gutxienez" mantentzea eskatu dute.

Aste honetako Etxeko Sessions saioan Iñigo Diaz ikus-entzunezko artista izango dugu. I+D+I 2020 proiektuaren 18. edizioa ospatzen dute sesioarekin. Igo bolumena eta gozatu!