Azken bideoak: Jardunaldiak

Darabilbo, Euskaltegi Sareak, Bilboko Udalarekin batera, Bilbon euskaraz aritzeko antolatzen duten egitasmoa bueltan da. Ekainerako egitarau berezi eta moldatua antolatu dute. Ekimenak, martxotik, Covid-19aren pandemia hasi zenetik hain zuzen, bertan behera utzi zituen ekintza guztiak eta tailer, dastaketa edo topaketak egiteari utzi zuten. Orain, pandemiaren larritasuna txikitu denean, egitarau moldatua eskainiko dute Darabilboko ekainerako, online eta tailer fisikoak uztartuz. Hasteko, bi garagardo dastaketa antolatu dituzte ekainaren 11 eta 25erako…. Online dastaketak! “Jitsi” plataformaren bidez egingo dira eta Mario Birretik gidatuko du dastaketa. Izena ematerakoan adieraziko da nola lortu garagardoa, aipatutako egunetan denok batera online topa egin dezaten. Horrez gain, ekainaren 22 eta 29an 6 lagunentzako gozogintza tailerrak antolatu dituzte. Hauek bai, presentzialak izango dira, Indautxuko kale partikularreko 3. zenbakian “Lord Cupcake” egokitutako gune batean. Iker Hernandez Vitores-ek emango ditu gozogintza tailerrak, konfinamendu garaian etxetik egin duen bezala. 6 lagun bilduko dira gehienez tailerretan, baina jende gehiagok izena ematekotan, tailer gehiago egiteko aukera zabalduko dute hurrengo egunetan.

Euskaltzaleen Topaguneak eta Bilboko Udalak Ikusi eta Ikasi programa online bertsiora moldatu dute konfinamenduan. Ume eta familiek aisialdian euskaraz aritzeko helburua duen programak, ikuskizunak, tailerrak eta abar antolatzen ditu urtero Bilbon baina koronabirusak eragingako larrialdia dela eta, eskaintza aldatu eta webgunearen bidez emango dute, apirilaren 27tik maiatzaren 16ra bitartean.

Apirilaren 21ean eta 22an interneten kultur edukirik ez partekatzeko deia luzatu dute. Bi egun horietan gogoeta eta eztabaida soziala eragitea nahi dute. Horrez gain, premiazko neurriak hartu behar direla exijitu dute

Aurtengo programak bi aldaera ezberdin biltzen ditu. BatetikHarrapazank arratsaldeak izenekoa, horretan, arlo anitzetako lantegiak antolatu dituzte 10 eta 16 urte bitarteko gazteei zuzendutakoak. Bestetik, Harrapazank eszena, Bilboko 12 eta 18 urte bitarteko gazteen sormena eta dohainak ezagutzeko lehiaketa.

Aurreko urteetan baino bisitari gehiago erakarri ditu Durangoko Azokaren 54. edizioak. Gerediagak eta Saidecok elkarlanean osatutako ikerketaren arabera, Durangoko Azokak 5,8 milioi eurotako eragin ekonomikoa uzten du herrian zein eskualdean. Bataz beste, Landako Gunearen baitan 49 eurotako gastua egiten dute bisitariek.

Landako Guneko areto nagusian, Uxue Alberdi idazle eta bertsolari elgoibartarrarekin batera, Rachel Newton harpa-jotzaile eskoziarra elkartu ziren "Throwing voices" egitasmoaren baitan. Abuztuan Eskozian izandako literatur topaketari segida emanez, Newton-ek eta Alberdik bi kulturen arteko uztarketa osatu zuten. Besteak beste, gaelikoz idatzitako olerkiekin.