Azken bideoak: Futbola

Munichekoak Kingslay Coman-ek 59. minutuan eskuratutako golaz baliatu dira garaipena lortzeko eta, bide batez, talde alemaniarraren denboraldi paregabea borobiltzeko, Alemaniako liga, kopa eta, orain, txapeldunen liga eskuratuz. Honenbestez amaitu da 19-20 denoraldi berezi hau gizonezko futbolari dagokionez. Bestetik, aste honetan bertan jokatuko da emakumezkoen txapeldunen ligaren azken txanpa. Reale Arenan eta San Mames-en jokatu dira final laurdenak eta bertan ospatuko dira ere finalerdiak eta finala.

1990an Italian lehiatutako munduko txapelketa aztertuko dugu Alessandoro Rutarekin. Gerra Hotzaren testuinguru geopolitikoa irudikatu zuen azken munduko futbol txapelketa. Alemaniako Errepublika Federalak garaipena lortu zuen Argentinaren aurka lehiatutako finalean eta mundial horrek joko eskasa eta hainbat protagonista utzi zituen: "Vasco" Goycochea, Roger Milla, Gascoigne, Higuita edo Schillaci. Sobietar Batasuna, Txekoslobakia eta Yugoslabiaren azken txapelketa izan zen.

Ikuslerik gabe baina Ligako partidak itzuli dira jada: Derrigortutako etenaldiaren ostean, euskal taldeek ezin izan dituzte euren partidak irabazi. Aurrera begira dituzten erronkak, Ramon Basaldua, Ane Urkiri Ansola, Joseba Iturria, Imanol Magro eta Iñaki Berastegirekin batera aztertu ditugu. Hortaz gain, Realeko entrenatzaile berria Natalia Arroyo gehiago ezagutu eta, saskibaloian, Anna Cruz eta Roso Buch-en fitxaketak hizpide Marakana Txikiaren atal berrian.

Hiru hilabetez geldirik egon ostean gaur abiatuko da berriro lehen mailako futbola. Athletic eta Real Sociedad taldeek Europan jokatu nahi dute datorren denboraldia. Alaves, Osasuna eta Eibar taldeek, berriz, maila mantentzea izango dute helburu.

Elkarrizketaren tartean, Eusko Jaurlaritzako kirol zuzendari Jon Redondorekin hitz egin du Beñat Zarrabeitia lankideak. Bertan, Covid19 gaitzak eragindako ondorioak, Bat Basque Team-eko kirolarien egoera, arrauna eta pilotaren itzulera, Ligaren ingurukoak eta euskal selekzioen ofizialtasunaren ingurukoak hizpide.

Elkarrizketaren tartean, Eusko Jaurlaritzako kirol zuzendari Jon Redondorekin hitz egin du Beñat Zarrabeitia lankideak. Bertan, Covid19 gaitzak eragindako ondorioak, Bat Basque Team-eko kirolarien egoera, arrauna eta pilotaren itzulera, Ligaren ingurukoak eta euskal selekzioen ofizialtasunaren ingurukoak hizpide. Honatx aurrerapena.