Esatea Libre | Euskal Elkargoa, Sorturen birfundazioa eta Trumpen Aroa
Jean-René Etxegarai hautatu dute Euskal Elkargoaren lehendakari, eta Ipar Euskal Herria bere baitan hartzen duen lehen erakundea martxan jartzea abiapuntua baino ez da askorentzat. Bestalde, Sorturen birfundazio kongresuak eta Donald Trumpen kargu hartzeak ere eman digute zeresana. David Latxaga (EAJ), Karmelo Landa (EH Bildu) eta Lander Martinez (Elkarrekin Podemos) izan ditugu solaskide.
Blanca Esther Marquesen hilketak eta Sara Majarenas euskal presoaren alaba hiltzeko saiakerak, senarraren eta aitaren eskuetan, eman digute zer pentsatua indarkeria sexistaz. Gainera, SAREk deitutako manifestazioa, Juan Kruz Mendizabal bikario ohiaren sexu abusuak eta Patxi Lopezen hautagaitza ere izan ditugu hizpide. Mahaiaren bueltan izan ditugu Iñaki Zarraoa (EAJ), Niko Moreno (EH Bildu) eta Neskutz Rodriguez (Ahal Dugu).
Motzean. Begoña Huarte eta Mikel Zuloagak errefuxiatuak laguntzeko eginiko elkartasun eta desobedientzia ekintzaren harira, gogor kritikatu dute solaskideek Europako Batasunaren politika.
Errefuxiatuei babes emateko edo ETAren armagabetzea bideratzeko hainbat herritarrek desobedientzia baliatu izanaz aritu gara, baita Kataluniako prozesuan izango duen eraginaz ere. Desobedientzia, norbanako ala kolektiboki, zilegi da?
EAJ eta PPren arteko negoziazioak eta Javier de Andres Espainiako Gobernuak EAEn duen ordezkari izendatu izana aztertu dugu. Gainera, errefuxiatuen krisiaz eta larrialdi egoeraren aurrean, herritarrek laguntza emateko desobedientzia zibila erabiltzeaz ere gogoeta egin dugu. Luke Uribe-Etxebarria (EAJ), Ainhoa Beola (EH Bildu), Juantxo Iturria (Ahal Dugu) eta Ricardo Crespo (PSE) izan ditugu mahaiaren bueltan.