Skip to main content
Nahieran Ikusteko.tv

Fiskaltzak Forcadell eta parlamentuko mahaiko hiru kide espetxeratzeko eskatu du


2014ko azaroaren 9an Kataluniako etorkizun politikoari buruzko galdeketatik hiru urtera, Kataluniako Parlamenteko presidentea eta mahaiko kideak Espainiako Auzitegi Gorenean deklaratzen aritu dira egun osoan. Matxinada, sedizioa eta diru publikoaren erabilera okerra egitea egozten diete. Fiskaltzak, gainera, Carme Forcadell presidentea eta beste hiru mahaiko kide espetxeratzeko eskatu du, kautela neurri gisa. Azken ordua, Saioa Baleztena lankideak ekarri digu Bartzelonatik. Horrez gain, beste zenbait gairi begira ere jarri gara lerroburuetan.

Gurean Gaur

Goizeko 09:00etatik ari dira Carme Forcadell eta Kataluniako Legebiltzarreko Mahaiko kideak Auzitegi Gorenean deklaratzen. matxinada, sedizioa eta diru publikoaren erabilera okerra egitea egozten diete. Forcadellek erantzun egin die oraingoan fiskaltzaren galdeei ere. Gaur bertan jakingo da epaileak behin-behineko erabakirik hartzen duen edo ez. Gai horri eta beste zenbaiti erreparatu diegu gaurko lerroburuetan.


Gurean Gaur

Intersindicalek egindako greba orokorrerako deialdiari erantzunez goizean, eta ANC eta Omnium Culturalek deituta arratsaldean, milaka lagunek hartu dituzte Kataluniako kaleak. Preso dituzten agintari politikoak zein ANC eta Omnium Culturaleko presidentea aske utz ditzatela eskatu dute. Hango berri jaso eta aktualitateko beste zenbait gairi begira jarri gara Gurean Gaur albistegiko lerroburuetan.

BERTSO HOP

Aurrera darrai Euskal Herriko Bertso Txapelketa Nagusiak, finalerdien lehen itzulia igaro da jada. Eñaut Gantxegi Irun eta Mauleko saioetan egon zen eta Maialen Lujanbioren lanak txundidura sortu zuen ikusleen artean, Maddalen Arzallusenak algara. Hendaiarrak Carles Puigdemont presidente kosmikoa gogoan izan zuen. Maulen, Beñat Gaztelumendi izan zen onena. Bitartean, Eñaut Gantxegik peripezia ezberdinak bizi izan ditu.


Artekale

Azaroaren 3a eta 5a bitartean, Getxon Komiki eta Manga Azoka burutu da. Bertan, Guneak erakusketa eremua, tailerrak, ekitaldi-aretoa eta argitaletxe, saltoki, erakunde, fanzine eta komikiaren munduarekin lotutako edozein sektorerentzako merkataritza-esparrua bildu dira.