Skip to main content

Gipuzkoako Foru Aldundia auzitara eraman du Carlos Urkijok


Carlos Urkijo Espainiako Gobernuak EAEn duen ordezkariak, auzitara eraman du Gipuzkoako Foru Aldundia, Gure Esku Dago egitasmoari diru-laguntza emateagatik. Gipuzkoako 2014rako aurrekontuetan Gure Esku Dago erabakitzeko eskubidearen aldeko dinamikari 100.000 euro ematea adostu zuten EH Bilduk eta EAJk. Urkijok esan du agerikoa dela Espainiako zati batek, Euskal Herriak kasu, ez duela erabakitzeko eskubiderik.


Elkarrizketak

Gurean Gaur saioaren elkarrizketa atalean, Joseba Barandiaran ekonomialaria izan dugu. Kutxabanken pribatizazioaren inguruan hitz egin dugu berarekin. Legeak dio Kutxabankek kontrolaren %50a baino gehiago izateko erreserba funts bat sortu beharko duela. Ordea, Kutxabankek dio ez dagoela diru nahikorik funts hori sortu eta elikatzeko eta aldi berean gizarte ekintza bermatzeko. Alabaina, Barandiaranek azaldu digu, badirela zirrikituak erreserba funts hori sortu gabe, pribatizazioa saihesteko.


Albisteak

Martxoaren 15ean aurkeztu zuten sarearen abiapuntu izan zen San Telmoko adierazpena. Geroztik hainbat topaketa egin dituzte, herritarrei sarea eratzeko prozesuan parte hartzeko aukera emanez. Preso eta iheslarien auziari konponbidea ematea beharrezkotzat jo dute, eta gizarteari protagonismoa eman behar zaiola aldarrikatu. Ekainaren 15ean, 12:00etan, Donostiako San Telmo museoaren aurrean egingo dute sarearen aurkezpen ekitaldia.

Albisteak

Ostiral honetan, maiatzak 30, estreinatuko dugu Elkar Estudioa Sesioak programa Hamaika telebistan. Elkar argitaletxearekin batera ekoiztutako saioak, musika talde euskaldunen eta ez horren ezagunen zuzeneko emanaldi bereziak eskaintzea du helburu. Grabaketak Elkar estudioan egin genituen maiatza hasieran. Ostiralean, Izaki Gardenak taldeak emango dio hasiera bost atalez osaturiko zuzeneko emanaldien zikloari. Araba eta Nafarroa bitarteko pop rock bandaren doinuak ikusi eta entzun ahal izango dira gurean.


Albisteak

Balmasedako Mendia eskola arduratu da Euskal Eskola Publikoaren festa antolatzeaz. Ekainaren 1ean, festaren 23. ekitaldia ospatuko dute Balmasedan, eta hori bera da gaur Bilbon aurkeztu dutena. Eskola publikoa eta euskaraz ikasteko aukera izango dira jaialdiaren aldarriak. Ekintza eta proposamen diferentez osaturiko eguna izango da, Mendia Eskolako ikasleen esan dutenez.

 
bannerra

bannerra