Skip to main content
bannerra

Bideoteka

Bideotekan bilatu
bideoaren irudia
MusikaZuzenean Tb #21: Rafa Rueda eta Selektah Stepi

2018-01-18

Kristalezko hirietan murgilduko gara musikazuzenean telebista saio berri honetan. Rafa Rueda izango da gaurko protagonista, eta lan berria ezagutzeko berarekin bildu gara Donostian.

Hitz bitan atalean, berriz, Selektah Stepi gonbidatu dugu, Bad Sound musika taldeko disko jartzailea

Saioa amaitzeko, asteburuko agenda txikia.

bideoaren irudia
GUREAN GAUR: PSE eta PSNko idazkari nagusiak elkarrekin bildu dira

2018-01-18

EAEko kontzertu ekonomikoaren eta Nafarroako itun ekonomikoarekin berritzea, abiadura handiko trenak bi esparru administratiboak lotzea ekarriko duen akordioa, eta euskal presoen espetxe politika aldatzeari buruz duten ikuspegia azpimarratu dituzte. Bilkura Iruñean egin dute eta positiboki baloratu dute bi ordezkariek. Kartzela politikaz Mendiak adierazi du, Espainiako administrazioak era inteligentean jokatu beharko duela egoera aprobetxatu eta presoak hurbiltzeko bidea hasteko

bideoaren irudia
GUREAN GAUR: Hasi da Fitur azoka Madrilen eta 165 herrialde desberdinek parte hartuko dute

2018-01-18

Euskal Herriko ordezkaritza ere bertan izanen da. Besteren artean, Nafarroak Donejakue bidea indartzeko nahia agertu du  eta horrekin batera gaztelu eta gotorlekuen ibilbidea aurkeztu dute. Jaurlaritzak ere turismo jasangarri, berritzaile eta lehiakorraren aldeko apustua eginen duela adierazi du. Fitur azoka igandera bitarte izango da Madrilen.

bideoaren irudia
GUREAN GAUR: Iraganerako bidaia Uxue Alberdiren lehen lan berria, Jenisjoplin eta Nagore Vargas

2018-01-18

Nagore Vargasen istorioa kontatzen du “Jenisjoplin” nobelak. Uxue Alberdiren lan berriak Euskal Herriko azken hiru hamarkadetan barrena egiten du bidaia, hartara, garai bakoitzeko gatazka politiko eta egoera sozialak islatu ditu. Protagonistaren bitartez kolektiboa irudikatu nahi izan du Alberdik.

bideoaren irudia
GUREAN GAUR+: Kataluniako parlamentuak presidente berria du eta Euskal Herrian presoen eskubideen aldeko mobilizazioaren hotsak

2018-01-18

Ekhiñe Atorrasagastiren eskutik, asteak emandakoari analisia egiteko beta hartu genuen. Beñat Zarrabeitia eta Egoitz Askasibar solaskide genituela. Horiek horrela, Kataluniako egoera, behin Roger Torrent parlamentuko presidente gisa hautatu dutela bertako etorkizuna zein izango den aztertu genuen. Horrekin batera, Euskal Herrian presoen afera eta Blai Gazte Telebistaren sorrera aztertu genituen.

bideoaren irudia
GUREAN GAUR: Roger Torrent izendatu dute Kataluniako Parlamentuko presidente

2018-01-17

Politikari errepublikarraren izendapenarekin batera, independentistek parlamentuko mahaiaren kontrola izango dute. Parlamenteko presidente izendatu berritan, testuingurua oso berezia dela gogorarazi eta "gai guztiei buruz" hitz egiteko aukera defendatu du Torrentek.

Orain arreta parlamentuaren hurrengo saioan dago jarrita, Generalitateko presidentea izendatzeko lehen inbestidura saioan. JxCk eta ERCk Carles Puigdemont presidentegai aurkeztuko dutela iragarri dute, baina nola egingo duten ez dute argitu oraindik. PdeCATeko Marta Pascalen iritziz, akordio handietarako garaia da eta horrekiko logikan dator iragarpena.

Oposiziotik, berriz, kritika gogorrak: Ciutadanseko Inés Arrimadasek esan du ezin dela Bruselan adostu legedia haustea.