Skip to main content
Nahieran Ikusteko.tv

Bideoteka

Bideotekan bilatu
bideoaren irudia
Puigdemont, aske eta azaroaren 17an deklaratzera

2017-11-06

Belgikako justiziak Carles Puigdemont Presidentea eta harekin dauden 4 kontseilariak aske utzi zituen bart gauean, kautelazko neurriak jarrita. Azaroaren 17an joan beharko dira berriz epailearen aurrera, eta orduan erabakiko du epaileak Auzitegi Nazionalaren euroaginduari nola erantzun.
Bestalde, gaurkoan albiste da, nazioarte mailan, ihes fiskalarekin lotutako eskandalu berri bat: “Paradise Papers” ala “Paradisuko Paperak”, argitara ekarri dituzte, eta elite ekonomiko eta politikoa zipristinduko duen informazioa aireratu.

bideoaren irudia
GUREAN GAUR BEREZIA: 21000 lagunetik gora parte hartu dute herri galdeketetan

2017-11-06

Gure Esku Dagok antolatuta, estatus politikoaren inguruko kontsultek hitzordu berri bat izan dute azaroaren 5ean. Kasu honetan, 13 herritan gauzatu dituzte, euren artean Erandio, Getxo edo Galdakao, eta 21027 lagunek parte hartu dute. Euren artean, Unai Rementeria Bizkaiko Ahaldun Nagusia, Unai Iturriaga idazlea, Jone Uria bertsolaria, Paul Rios abokatua, Koikili Lertxundi Athletic-eko jokalari ohia edo Begoña Errazti EA-ko presidentea izandakoa.

bideoaren irudia
Euskaltzale: Zein da gure hizkuntzak unibertsitatean duen egoera?

2017-11-06

Atal honetan, Anabel Arraizaren eskutik, euskarak Nafarroako unibertsitateetan duen tokia aztertuko dugu. Horretarako, hezkuntza alorreko eragileekin egoteaz gain, ikasleak, irakasleak eta instituzioetako ordezkariekin egoteko aukera izan dugu. Euren artean, Maria Solana sailburuarekin.

bideoaren irudia
GUREAN GAUR BEREZIA: Milaka lagun 155 artikuluaren aurka Bilbon

2017-11-06

44000 pertsonek parte hartu zuten euripean egindako mobilizazioan. Alderdi politiko ezberdinek, gehiengo sindikalak eta eragile sozial ugarik deitutako manifestazioan, 155. artikuluaren aplikazioa arbuiatu, espetxeratzeak salatu eta Kataluniako herriari elkartasuna adierazi zioten.

bideoaren irudia
ARTEKALE: Kultur Aire eta "Nora Goaz?" dokumentala

2017-11-03

Aste honetako Artekale saioan, Jonebati Zabalaren eskutik Kultur Aire jaialdia izango dugu hizpide. Azaroaren 8 eta 9an, Galiza, Portugal, Korsika eta Euskal Herriko artista eta taldeak izango ditugu oholtzan. Horrekin batera, Marian Gerrikabeitiak zahartzaroari buruz egindako "Nora goaz?" dokumentala ezagutzeko beta izan dugu.

bideoaren irudia
GUREAN GAUR: errepresioaren aurrean, hauteskundeetarako zerrenda bateratuaren indartzen ari da Katalunian

2017-11-03

Aurreikuspenik txarrenak bete ziren atzo Madrilen Kataluniako Gobernu legitimoko lehendakariordea eta zazpi kontseilariak kartzelara bidaltzeko Auzitegi Nazionaleko Lamela epaile instruktoreak hartutako erabakiarekin.  Edonola ere, ez dirudi prozesu katalana etetea lortuko dutenik, abenduaren 21eko hauteskundeei begira, zerrenda bateratua osatzeko asmoa agertu dutelako PDeCATek eta ERCk. Ezin da ahaztu alderdi eta mugimenduak legez kanpo uzteko mehatxua ere mahai gainean dagoela, alderdi espainiarrek CUP bera jarri dute jomugan.