Skip to main content
Nahieran Ikusteko.tv

Bideoteka

Bideotekan bilatu
bideoaren irudia
GUREAN GAUR: lerroburuak. Generalitateko zortzi kontseilari, espetxera

2017-11-02

2017/11/02

Baldintzarik gabeko espetxeratzea agindu die Carmen Lamela epaileak gaur goizean Espainiako Auzitegi Nazionalean deklaratu duten Oriol Junqueras presidenteorde eta Generalitateko zazpi kontseilariei.

Errepublikaren aldarrikapenaren bezperan dimititu zuen Santi Vila kontseilaria, aldiz, aske utzi du, 50.000 euroko bermea ordainduta.

bideoaren irudia
GUREAN GAUR (lerroburuak): Generalitateko kontseilarientzat espetxe zigorra eskatu du fiskaltzak

2017-11-02

Generalitateko kontseilariek Espainiako Auzitegi Nazionalean deklaratzen aritu dira goizean. Carles Puigdemont eta beste lau kontseilari ez dira bertaratu. Fiskaltzak ere egin du eskaera jada: Santi Vilaz gainerako kontseilariak giltzapetzeko eskatu du fiskalak, orain epaileak erabakiko du. Vilari bermea jartzeko eskatu du, 50.000 eurokoa, zehazki. Legebiltzarreko mahaiko kideak Auzitegi Gorenera zeuden deituta, baina epaileak atzeratu egin du haiei deklarazioa hartzeko eguna: hilaren 9an egingo dute.

bideoaren irudia
IBILEAN: Arrieta, Etxebarri eta Hondarribia

2017-11-02

Gure geografia ezagutzeko beste aukera bat. Kasu honetan, orografia, estetika eta izaera oso ezberdinak dituzten hiru eremura hurbildu gara. Barnekaldean, Arrieta; Kostan, Hondarribia eta hirigunean, Etxebarri.

bideoaren irudia
BERTSO HOP: Bastidako uztak ardo oparoak utzi ditu txapelketan

2017-11-02

Arabako errioxan lehiatutako finalerdian Sustraik mahatsik onenak jaso zituen eta bestelako adarretan ikusleek ezohiko plazan. Bertso Txapelketa Nagusiaren inguruko guztiak Eñaut Gantxegi lankidearen eskutik Bertso Hop saioan.

bideoaren irudia
Euskaltzale: Hezkuntza

2017-10-31

Gutxiagotutako hizkuntza bat normalizatuko bada, hezkuntza sistemak hiztun berriak eskaini beharko ditu. Familia transmisioak bermatzerik ez duen horren ordezko bihurtzen da hezkuntza. Belaunaldi berriak euskalduntzea ez da nahikoa Euskal Herria berreuskalduntzeko, baina horiek euskaldundu gabe ezin izango dugu helburua lortu.

Nafarroan berriki arte ezin izan da euskaraz ikasi lurraldearen zati handi batean. Duela bi urte aukera hori eskaini zuten lege aldaketa baten bitartez, eta gaur egun eskatutako kopuruetara iritsiz gero, aukera hori bermatzen da. Baina zertan da euskarazko irakaskuntza gaur egun?  

bideoaren irudia
GUREAN GAUR 14:30 lerroburuak

2017-10-30

2017/10/30

155.ari ez. Demokrazia eta erabakitzeko eskubidea izango da leloa, larunbatean Bilboko Casillatik abiatuko den manifestazioak buruan eramango duen leloa.