Blackbird filmak ireki du aurtengo Donostiako zinemaldiko 67.edizioa. Bere sufrimenduari amaiera jarri nahi dion gaixo terminal batek familiarekin igarotako asteburuan zentratu du filma Roger Michellen zinemagileak.
Iñigo Urkullu Jaurlaritzako lehendakariaren hitzaldiarekin hasi da goizeko saioa. Arrtsaldea, berriz, beste alderdien txanda izan da. EH BIlduk "Estatu politika" egitea eta "Herri akordio" batera heltzea eskatu dio Lehendakariari.
Bihar ospatzen da Alzheimerraren Nazioarteko Eguna eta hori dela eta, Nafarroako Parlamentuak eta Nafarroako Alzheimer Gaixoen Senideen Elkarteak elkarretaratzea egin dute legebiltzarraren atarian.
UAGNk, ANk eta Nafarroako Nekazaritza Kooperatibak, plastikoen erabilera murrizteko lan saioa egin dute gaurkoan. Goizean zhear izandako bilera eta mintegietan, nekazari, abeltzain eta teknikariek plastiko kontsumoaren murrizketaren beharra azpimarratu dute eta hori betetzeko laguntza eskatu diote administrazioari.
Mugikortasun Aste Europarraren barruan, Mugikortasun azoka antolatu dute Bilboko Areatzan. Bertan, adin guztietako pertsonentzako ekintzak antolatu dituzte eta uria erabiltzen ari den estrategiak aurkeztuko zaizkie herritarrei.