Gaur, urteetan gatazkan egon ostean, bi alderdiek egonkortasuna bermatzeko akordio izenpetu dute. Izan ere, Sabin Etxetik eta Alameda Rekaldetik heldu diren presioak beharrezkoak izan dira hitzarmena aurrera eramateko.
Gauzak horrela, talde gobernuan bi alderdiak egongo dira, euskal autonomi erkidegorako akordioari jarraituz. EAJk mantenduko du alkatetza eta zazpi area. PSEk, berriz, alkateordetza eskuratu eta beste lau area zuzenduko ditu.
Hirugarren aldiz bertan behera geratu da Bizitza da handiena mugimenduko kide bati pasa den maiatzaren 16an eraikin publiko bat okupatzeagatik egin behar zioten epaiketa. Hirugarren aldiz pasa behar zuen epailearen aurretik baina saioa bertan behera geratu da berriro ere, atestatua idatzi zuten bi ertzainei ez diotelako jakinarazpenik bidali. Horrela adierazi du auziperatuaren abokatuak. 12:00etan hastekoa zen gaurko epaiketa. Aurretik Bizitza da handiena mugimenduak prentsaurrekoa eskaini du Donostiako epaitegiaren aurrean auziperatuei elkartasuna adierazteko eta bi epaiketak salatzeko.
Protesta sozialari epaiketarik ez! lelopean, hurrengo ostegunean, irailaren 26an, epaitegiaren aurrean bilduko dira eguerdiko 12:00etan auziperatuei elkartasuna adierazteko.
2003 eta 2006 artean Ogasun publikoaren aurkako hiru delitu egin izana egozten dio Fiskaltzak. 6 urteko kartzela zigorra eskatzen dio eta 1,8 milioi eurotako isuna ordaintzea. Bere burua defendatzeko erabakia hartu du eta egozten zaizkion delituak ukatu ditu.
Sarek urriaren 5ean Iruñeko Oblatas eta Santa Engrazia zubiak giza kate baten bitartez inguratu eta lotzeko deia luzatu du. Ekimenaren bitartez, presoak euskal presoak etxeratzeko zubi-lanaren garrantzia azpimarratu nahi du elkarteak.
