Naiz irratiak aste honetan ekin dio eguneroko programazioari. Ion Telleria irratiko langilearekin hitz egin dugu irratiaz, programazioaz, hauteskundeetako saio bereziaz, etab. "Irratia zerbait bada, ahotsak dira eta ahots anitzek osatutako proiektua izatea nahi dugu".
Izan ere, Arabako erakundeek auzitegietan aurkeztutako kereilek aurrera egiterik izan ez dutenez, auzia Nazio batuen Erakundeko Giza Eskubideeen Batzordera eramateko asmoa erakutsi du Martxoak 3 elkarteak.
Katharina Winkler eta Yoseba Peñak jaso dituzte Zilarrezko Euskadi sariak aurten. idazle austriarraren ‘Cárdeno adorno’ eta antropólogo bizkaitarraren ‘Hariak’ liburuak direla eta jasoko dituzte Gipuzkoako liburu saltzaileek ematen dituzten urteko liburu onenaren sariak.
Zarautzen bizi den idazle bizkaitarraren liburuak familia bereko hiru emakumeren bizipenak ditu oinarri. Peñak 1936ko Gerratik gaur egunerako ibilbidea egiten du, bidean historiako pasarteetan emakumeek izan duten eragina errepasatu eta memoria historikoaren beharra nabarmenduz.
Katharina Winkler ere izan da Donostiako sariketan. Idazle austriarra Turkiako indarkeria matxista kasu batean oinarritu da ‘Cárdeno adorno’ liburua idazteko.Istorioak amaiera positiboa duela azpimarratu du Winklerrek, eta hori ezinbestekoa egin zaiola istorio hau idatzi ahal izateko. Liburuaren mezu nagusia egoera horietatik askatzea posiblea dela baita.
XVII. mendean bilbotarrak Espainiako erregea zen Felipe IV.aren kontra "Gatzaren Matxinadan" altxatu ziren bezala, oraingo hauteskundeetan ere altxatzera dei egin dute EH Bilduko Iker Casanova eta Bilborako hautagai den Jone Goirizelaiak.
Matxinda huran, zergen igoera izan zeniraultzaren pizkundea; gaurkoan EAJren hiri eredua eta politikak iraultza egitera dei egin beharko zuten. Ebentoen Bilbo, prekarietatea, Kataluniarekiko neutraltasuna egotzi diote EAJri. EH Bildutik adierazi dutenez, badakite alderdi jeltzalea garaile aterako dela hauteskundeetan, baina geroz eta indar gutxiagorekin eta aldaketa hurbil dagoela somatuz.
La Pamplonesa eta Osasunako presidente den Luis Sabalza dira aurtengo Sanferminetako txupinazoa botatzeko hautagaiak. Lehenak 100 urte betetzen ditu, eta Osasunak, 99. urtemugan lortu du maila gorenera itzultzea. Bi arrazoi horiek nahikotzat jo ditu Sanferminetako Mahaiak proposatuak izateko.
Bergararrak urtebeterako kontratua sinatu du gasteiztarrekin baina arabarren Lehen mailan jarraituz gero, automatikoki berrituko luke. Leganesen historia egin ostean, Realean kargutik kendu zuten iragan den abenduan. Alavesen aro berri bati ekingo dio Garitanok.