Skip to main content

Bideoteka

Bideotekan bilatu
bideoa prestatzen
Azkuna Zentroko fatxada artista ezberdinen erakusleiho bihurtuko da

2019-02-19
Azkuna Zentroak, eskaintzen dituen zerbitzuak eraberritzeko asmoz, Arrikibar plazara ematen duen fatxada erakusleiho artistikoa bilakatuko du. Fatxada proiektuan, diseinua, ilustrazioa eta komikia izango dira eskegiko diren hizkuntza artistikoak, eta bi hilabetero artista berri batek hartuko du Alondegiako fatxada, bere lanak gizarteari erakusteko.
bideoa prestatzen
Bizitegiko langile baten kaleratzea salatzeko elkarretaratzea egin dute Otxarkoagan

2019-02-19
Gaur bi orduko geldialdia egin dute Bizitegiko langileek. Zuzendaritzak adierazi duenez, ez du baztertzen kaleratze gehiago egotea. Bi urteren ondoren sinatu dute gizarte ekimenaren hitzarmena. Hala ere, instituzioek Zerbitzuen Kantera berria zabaldu dute eta horren ondorioz berregituratzeak sortu dira. Zerbitzuen egituraketa honen ondorioz, diru gutxiago egongo da sektorean. Instituzioen esanetan, azaldu dute, diru gutxiagorekin baina organigrama berriarekin gizarteratze zerbitzua aurrera atera daitekeela. Adierazi dute, hurrengo mugimendu zein kaleratzeei adi egongo direla.
bideoa prestatzen
Enrique Goñi eta UPN CANen desagerpenaren erantzule egotzi ditu Nafarroako Parlamentuko txostenak

2019-02-19
Nafarroako Kutxaren desagerpena ikertzen duen batzordeak Enrique Goñi eta UPN alderdia markatu ditu aurrezki kutxa suntsitzearen erantzule gisa. Batzordeak garatutako txostena eta haren ebazpenak ostiralean eztabaidatuko dira Parlamentuan.
bideoa prestatzen
Matilde Arribillagaren heriotzaren 25.urtemuga gogoratu dute

2019-02-18
Matilde Arribillaga 1994ko otsailaren 18an istripuz hil zen, Gasteizera euskal presoen aldeko elkarretaratze batera zihoala. Urruntze politika salatzera zihoala hil zen istripuz, eta 25 urteren ostean, bere horretan dirau presoekiko politikak. Halaxe adierazi zuten larunbateko omenaldia prestatu zuten Andoaingo senide, lagun eta herritarrek. Bere semeen hitzetan emakume borrokalaria zen, edozer egiteko eta edonori laguntzeko beti prest agertzen zen. Euskal Herri osoan ezaguna egin zen “Komando zaharra” osatu zuen Andoaingo hainbat emakumerekin. Bere lan guztia eskertzeko Andoaingo herritar, senide eta lagunek Poesia, dantzaz eta kantuz omendu zuten Espigoian Matilde.
bideoa prestatzen
Katalunia eta erabakitzeko eskubidea, Espainiar Estatuaren krisiaren zein hauteskundeen gako nagusia

2019-02-18
Pedro Sanchez-ek espainiar Estatuko hauteskunde orokorrak apirilaren 28rako deitu ditu. Bien bitartean, Kataluniako buruzagi independentisten aurkako epaiketak aurrera jarraitzen du. Polarizazio testuinguru honen baitan, Gure Esku Dagok manifestazioa egin zuen igandean Donostian, erabakitzeko eskubidearen alde eta Kataluniako preso politikoekiko elkartasuna adierazteko. Guzti honen inguruan aritu gara, Gorka Mostajo, Josu Unanue eta Fermí Rubiraltarekin batera.
bideoa prestatzen
Soldata arrakala bukatzeko eskatu dute epaitegietako eta komisaldegietako garbitzaileak

2019-02-18
Irailaren 19tik greban daude epaitegietako eta komisaldegietako garbitzaileak. 153 egun daramatzate eta 120 egun baino gehiago greba mugagabea, eta elkarretaratzea egin dute gaur Eusko Jaurlaritzak Gipuzkoan duen delgaritzaren aurrean. Bertan, aldarrikatu dutena da kale-garbitzaileekiko daukaten soldata arrakalarekin bukatzea. Hiru puntu aipatu dituzte; alde batetik, sexuen araberako lanen arabera emakumeek egindako lanei balio txikiagoa ematen zaie. Bestetik, nabarmendu dute zaintza lanak eta enpleguak bat egiteak emakumeei kaltetzen diela adierazi dute. Azkenik, adierazi dute prekarietateak soldata arrakala handitzen duela eta honen eragin handiena emakumeek jasaten dute. Bestalde, azaldu dute Eusko Jaurlaritza ez dela betetzen ari onartutako plan berria eta gatazka hau konpontzearen ardura berarena dela.