Skip to main content

Bideoteka

Bideotekan bilatu
bideoa prestatzen
Aniztasuna ardatz, Durangoko Azokak ateak ireki ditu

2018-12-05
Hasi da Durangoko Azokaren 53. edizioa Landako gunean. Urtero legez, euskal kulturgintzaren uztarik oparoena bertan bildu da, sorkuntza eta adierazpen kultural ezberdinak bilduz. Izan ere, aurten, #DAaskodira lemaren bidez, Gerediaga elkarteak Durangoko Azokaren aniztasuna islatu nahi izan du. Gaurtik eta igandera bitartean, milaka euskaltzale bertaratu dira, aurrenekoak ikastetxe ugaritako ikasleak izanik. Hamaika Telebistak jarraipen berezia egingo du eta honatx lehen saioa.
bideoa prestatzen
'Ihes' eleberriarekin itxi du Jasone Osorok 'Eskularru beltzak' bilduma

2018-12-05
Eskularru beltzak bildumaren laugarren eta, momentuz, azken liburua argitaratu du Jasone Osoro idazleak. Gazte literatur bilduma joan den urtean hasi ostean, sei hilabetero liburu bat sortu eta orain segidaren azkena kaleratu berri du Elkar Argitaletxearen eskutik, 'Eskularru Beltzak' liburuan planteatutako korapiloak askatuz.
bideoa prestatzen
Sanferminetako bortxaketaren epaiari helegitea jarriko diote berriz Iruñeko Udalak eta Nafarroako Gobernuak

2018-12-05
9 urteko espetxe zigorra berretsi du Nafarroako Auzitegi Nagusiak sanferminetako talde bortxaketaren egileei eta epaiari helegitea jarriko diotela jakitera eman dute Iruñeko Udalak eta Nafarroako Gobernuak. Bost epaileetatik bik boto partikularra eman izanak helegiteari indarra emanen diola adierazi du Joseba Asironek.
bideoa prestatzen
Euskaraldia hasi bakarrik egin da

2018-12-04

Euskaraldia "epe luzerako lanaren abiapuntua" izan dela eta "aurreikuspen guztiak" gainditu dituela nabarmendu dute. Euskalgintzako eragileen eta erakunde publikoen arteko elkarlanaren balioa nabarmendu dute balorazio agerraldian. Datozen urteetan ere izango du jarraipena ariketa sozialak, hain justu, elkarlan horretan eta ‘Ahobizi’ zein ‘Belarriprest’ roletan sakondu nahiko lukete.

bideoa prestatzen
EGUNEKOA: gizarte, politika, memoria, kultura eta kirol albisteen bilduma

2018-12-04
Euskaraldiaren balorazioa eta Nafarroako langabezia datuak hartu ditugu aintzat gizarte gaietan. Arlo politikoan, Eusko Jaurlaritzako 2019ko aurrekontuen negoziazioari erreparatu diogu. Memoriarekin lotutako gaietan, Idoia Aierberen heriotza hartu dugu hizpide. Horrez gain, 'Gu, Laboa' dokumentalari eta Athleticek Eduardo Berizzo kanporatu izanari ere erreparatu diegu.
bideoa prestatzen
Athletic-ek Eduardo Berizzo entrenatzaile kargutik kendu eta Gaizka Garitano izendatu du

2018-12-04
Athletic Club-ek Eduardo Berizzo argentinarra kaleratu du eta Gaizka Garitano arituko da aurrerantzean lehenengo taldeko entrenatzaile. Berizzok ez ditu emaitza onik lortu, Ligan jokatu dituen 14 partiduetatik bakarra irabazi du. Levante-ren aurkako porrot bereziki mingarriaren ostean, Josu Urrutiak entrenatzailea kargutik kentzea erabaki du. Gainera, hauteskunde prozesuan barneratuta dago kluba, Albertu Uribe-Etxeberriak bere hautagaitza aurkeztu zuen atzo eta Aitor Elizegi da, momentuz, bere aurkari bakarra Athletic-en zuzendaritza hartzeko.