Skip to main content
bannerra

Azken bideoak: Politika

bideoa prestatzen
Protestak Biarritzen G7-ko gailurra prestatzeko bileraren kontra

2018-12-18
Biarritzera joan da Jean-Yves Le Drian Kanpo Harremanetarako ministro frantsesa, 2019ko udan G7 taldeak bertan egingo duen goi-bilera prestatzeko lanen baitan. Segurtasun neurri handiak ezarri dituzten arren, tentsio uneak izan dira, herritarrek, tartean «txaleko horiek» eta Bizi! mugimenduko kideek, Macron-en dimisioa eskatuz kalean protesta egin eta Poliziarekin istiluak sortu dira hauek negar-gasa eta gomazko pilotekin kargak eginez.
bideoa prestatzen
Estatus berriaren aldeko babesa lortzeko manifestua aurkeztu du Demokrazia Baik

2018-12-18

Demokrazia Bai plataformak gizarte zibileko dinamika abiarazi du estatus berri baten aldeko babesa lortzeko. Espainiako Konstituzioak 40 urte beteta, Espainian ustelkeria eta demokraziaren aurkako inboluzioa nagusitu direla salatu dute. Euskal herritarrak "nazioa" izanik, hainbat eremutako jendeak bat egin du eskumen osoko estatus berria aldarrikatzeko.

Espainiaren eta Euskal Herriaren arteko harremanak aldatzeko, ezinbestekotzat jo dute gizartea ahalduntzea. Otsailera bitartean, oraingoz 90 lagun ingururen babesa duen manifestuaren aldeko sinadura bilketarekin segituko dute.

bideoa prestatzen
Konponbiderako agenda eskatuko du Ezker Abertzaleak gabonetako espetxe martxen bitartez

2018-12-13
Konponbide integral baterako agenda aldarrikatuko du Kalera Kalerak gabonetan. Presoen auzian egoerarik urgenteenei irtenbide bat eskatu dute Sortuk, LAB-ek eta Ernaik, preso guztiak Euskal Herriko espetxetara ekartzea eskatuz, gaixo daudenak askatuz, gradu aldaketak ahalbidetuz eta betetako zigorren konputazioa eskatuz. Horiek horrela, gabonetan Basauri, Martutene eta Zaballako espetxetarako martxak deitu dituzte.
bideoa prestatzen
Feminismoa politika publikoen ardatz bilakatzen ari dira Oiartzunen

2018-12-13
Zeharlerrotasunez lantzen ari dira feminismoa Oiatzungo Udalean: politika publiko guzti-guztietan aintzat hartzeko saiakeran daude.
bideoa prestatzen
Eusko Legebiltzarreko alderdiei, kontaketaren arloan, adostasuna bilatzeko eskatu die Foro Sozialak

2018-12-13

Foro Sozial Iraunkorrak ohartarazi du desadostasunak azaleratuko direla Eusko Legebiltzarreko Memoria eta Bizikidetza Lantaldean. Agus Hernan eta Nekane Altzelai kezkatuta agertu dira, hauteskunde giroaren eraginpean, Eusko Legebiltzarrean ordezkaritza duten alderdiek alde batera utzi dutelako legealdi hasieran zuten "adostasunetara iristeko izpiritua".

Hain justu, asteazken honetan bertan, Andoaingo Udalak eta Argituz erakundeak aurkeztutako ‘Memoria partekatu baterantz’ txostena da eredugarritzat jota, Foro Sozialak nabarmendu du tokian tokiko erakundeek bizikidetzaren bidean urrats esanguratsuak egin dituztela azken hilabeteetan. Eta Andoaingoaz gain, Errenteriako eta Arrasateko adibideei ere aitortu die balioa.

Aitzitik, Eusko Legebiltzarrean, Memoria eta Bizikidetza Lantaldeko eztabaidaren ondorioen inguruko saioa egingo da astelehenean, eta Foro Soziala jakitun da alderdien arteko hasierako adostasuna lausotu egin dela azken hilabeteetan.

Horren aurrean, besteak beste, euskal gizarteak bizikidetzarako egindako bidea eredugarritzat jo du Foro Sozialak, eta alderdi politikoek bestelako jarrera izatea ez zaie ulergarria iruditzen.

Beraz, Foro Sozialak eskaera zuzena egin die Eusko Legebiltzarrean ordezkaritza duten alderdi politikoei. ETAren armagabetzearen eta desegitearen inguruan zeukaten adostasunetarako jarrera berreskura dezatela.

bideoa prestatzen
Jaka Horien inguruko analisia Maite Ubiria eta Eguzki Urteagarekin eta Feministaldiaz elkarrizketa Josebe Iturrioz eta Leire San Martinekin

2018-12-12
Jaka Horien mobilizazioak ikusi ditugu Euskal Herrian eta Frantziako estatu osoan azken asteotan. Indarra hartu dute kaleetan, eta ezker eta eskuin lortu dute babesa, Macronen gobernua hainbat neurri hartzera behartzeraino.