Hona Hemen

Xabier Arruti Oiartzungo Udaleko ur arduradunarekin Oiartzungo ur-sistema erakutsi digu. Oiartzun berezia da, mendietatik jaisten den ura delako soilik kudeatzen dutena.

Txiki geratu zen Zaldibarko udaletxeko enparantzan jarritako karpa, 1936ko gerran hildako herritarren omenaldian. Guztira 28 izan ziren frontean hildakoak, eta orain, beraien izena daraman oroitarria inauguratu dute.

"Praktika onak" izenpean eskuorri bat kaleratu du Donostiako Udalak, euskararen erabilera zabaldu eta hobetze aldera. Bertan ongi eta gaizki eginiko adibide errealak daude.

Euskara ikasi edo hobetzeko dei egin diete Udalak eta euskaltegiek donostiarrei. #Euskaldunízate, euskeraz esanda "euskaldun izate", eta gazteleraz, "euskaldunízate" lelopean egin dute aurten ere.

Donostiako San Telmo museoan ikusgai dago "1516-2016. Bake Itunak" izeneko erakusketa. Urrira bitartean bisitatu ahal izango da. Bakearen irudikapen oso ezberdinak jaso dituzte.

Ekainaren 30etik uztailaren 3ra, Usurbilgo Santixabelak ospatuko dira. Urtero moduan, herritarren artean osatu dute jaietako programa. Askotarikoa izango da eskaintza, haur, gazte zein helduentzat. Udaleko ordezkari zein eragileekin hitz egin dugu, eta festan parte hartzera gonbidatu gaituzte.