Hona Hemen

Euskararen eta euskal hedabideen presentzia handituko dute Etxebarrin (Bizkaia), Berria egunkariak, Etxebarriko tabernek eta Udalak sinatutako akordioari esker. Euskararen ezagutza handitu bada ere, Etxebarrin beste pauso bat eman nahi izan dute, euskararen ikusgarritasuna handitzeko, kalean zein tabernatan.

Donostiako Euskara Zerbitzuak bultzatuta, pasa den abenduaren 17an 120 gazte bildu ziren Tabakaleran euskararen erabilpenaren inguruko hausnarketa egiteko. Horretarako, EkoLingua karta-jokoa erabili zuten. Dinamizatzaileen gidaritzan, seinaka aritu ziren euskarak aurre egin behar dien oztopoen inguruan eztabaidan. Orain, ordea, dinamizatzaile hauek elkartu eta ondorioak atera dituzte.

Gabonak amaitu eta berehala ekin zioten donostiarrek urtarrilaren 20rako danborrak prestatzeari. Bi aste igaro dituzte entreguak egiten eta iritsi da haien egun handia. Festa ilusio handiz bizi dutenek argi dute adin guztietako jendearentzako ekimena dela danborrada. Hori dela eta, hainbat parte-hartzailerekin izan gara festa lehertu aurreko egunetan.

"Gabonak Arte" ekimena izango dugu laugarren urtez Bilboko Azkuna Zentroan. Aisialdirako aukera zabala izango dute haur eta gurasoek. Abenduaren 26tik 30era eta urtarrilaren 2 eta 3an, goiz eta arratsaldez, jarduera ezberdinak izango dira bertan. Hurbildu eta parte hartzeko aukera paregabea.

Donostiako Euskara Zerbitzuak hiriko bost ikastetxeetako 16 eta 20 urte bitarteko gazteak bildu zituen Tabakaleran. EkoLingua izeneko karta-jokoaren bidez, euskarari buruz hitz egitea izan zen abiapuntua. Helburua, berriz, gazteak hizkuntzaren inguruan gogoeta egin eta argudio zein kontzeptu berriak mahai gainean jartzea izan zen.

Abenduaren 12an banatu zituen Hondarribiko Bordari eta Satarka euskarazko literatur lehiaketak XXXII. edizioko sariak. Ekitaldi berezian, Martin Iturbe Balda epaimahaikide zendu berria gogoan izan zuten. Bordari ipuin lehiaketaren A Mailan Igor Mercado, Gotzon Hermosilla eta Ainara Elizondo izan dira sarituak. 18 urtez beherakoen B mailan, berriz, Idoia Granizo eta Rose Samb. Satarka olerki lehiaketaren A mailan, Iñigo Legorburu, Itziar Ugarte eta Ainara Elizondo izan dira sarituak. B mailan, aldiz, Jon Aperribay eta Saioa Ventura.