Skip to main content

albisteak

Jean Rene Etxegarai hautatu dute Euskal Hirigune Elkargoko lehendakari hurrengo sei urteetarako

2020-07-17
Elkargoaren lehen biltzarrean ziren hautatzekoa lehendakaria eta orain arte karguan izan den Etxegarai Baionako auzapeza zen hautagai bakarra. Gehiengo osoa behar zuen eta sorpresarik ez da egon. Koronabirusak baldintzatutako bozka prozesuan gehiengoa lortu eta kargua eskuratu du.
10 urteren ostean lan hitzarmena sinatu dute sndikatuek, Kristau Eskolak eta IZEA patronalak

2020-07-17
Azaroan sinatu zuten greba amaierako akordioa 29 lanuzte egunen ondoren ELA, Steilas eta CCOOek. Bertan biltzen ziren edukiak sinatu dituzte orain Lan Hitzarmenean, aipatutako sindikatuek eta UGTk. Eduki nagusien artean ia %9ko igoera dago, hainbat kolektiborentzat lanaldi murruztuak eta lan pertsonalerako ordu osagarriak aitortzea. Horrez gain, %75eko lanaldiko erretiro partziala jasotzen da hitzarmenean langile guztientzat eta hauen ordezkoak %100eko lanaldian kontratatzea. Lorpenik handiena dela esan dute, baina, aurten matrikulazioen jaitsierengatik lan gabe geldituko diren langileak birkokatzea.
Sephorako langileek elkarretaratzea egin dute Iruñeko auzitegian

2020-07-17
Enpresak otsailetik aitzina burututako greba ilegala dela salatu du eta gaur izan dute langile eta ELA sindikatuaren aurkako lehen epaiketa saioa.
Ezagutu Baztango zaporeak Reyno Gourmeten eskutik

2020-07-17
Jauregia gaztategia da esnekien ekoizpen ekologikoari ekiten lehena Nafarroan. Euskal txerriaren ekoizpena gertutik ezagutu dugu Lorentxo Sarratearekin. Eta, mahasti artean ibili gara eta Baztango Xurie ardo ekologikoa dastatu dugu. Baztango Zaporeak tokiko garapena eta kalitatezko ekoizpen propioak bezeroaren eskura.
Aurreratu egin dute Ipar Euskal Herrian maskararen derrigortasuna leku itxietan

2020-07-17
Datorren astetik aurrera izango da baitezpadakoa, Jean Castex Frantziako lehen ministroak jakitera eman duenez. Olivier Veran Osasun ministroaren arabera, “astelehenean edo asteartean ezar daiteke”. Hego Euskal Herriko lurralde guztietan jada derrigorrezkoa da maskararen erabilera, toki itxietan eta baita kalean ere, iparraldean ez bezala. Kaleetan ikusi daiteke maskaren erabilerak gora egin duela araua ezarritakoan. Larunbatetik aurrera maskara derrigorrezkoa izango da Trebiñun ere, sei urtetik gorako herritarrentzako. Gaztela eta Leongo Juntak hartu du erabakia.
 
bannerra

bannerra