albisteak

Gaur izan dute bigarren greba eguna eta enpresa batzordeko kideak eta ELA, LAB, UGT eta Comisiones Obreras sindikatuetako aholkulariak multinazionaleko buruekin batzartu dira.

Estatu Batuetako Moderna Therapeutics enpresak koronabirusaren aurkako txerto bat garatu duela jakinarazi du eta argitu dutenez, amaitzeko azken fasean aurkitzen da. Izan ere, egun, Covid-19aren txertoa aurkitzeko lehian hamaika enpresa ari dira. Lasterketa horren buruan Moderna terapeutics dago; uztailaren 27an hasiko da txertoaren azken fasea, eta 30.000 pertsonei egingo diete proba. Horien erdiei 100 miligramoko dosia emango zaie eta beste erdiari, berriz, plazeboa. Lehenik eta behin txertoa gizaki guztientzat segurua dela baieztatu behar da.

Aken egunetan Serbian protestak areagotu egin dira. Aleksandar Vucic presidenteak gehiengo osoa eskuratu zuen ekaineko hauteskundeetan, baina herritarrak kexu dira. Txente rekondok egoeraren analisia egin du Hamaika Telebistarako.

Bordeleko Hezkuntza Akademiako errektoreak Hiriburuko ama-eskola publikoan “%100 euskaraz” esperimentazio egitasmoa errefusatu du. Argudiatu duenez, derrigorrezko irakaskuntza frantsesez, «Errepublikako hizkuntzan» egin behar da.

Gaur zuten bigarren greba eguna langileek eta goizean hartu ditu Nafarroako Parlamentuko presidenteak ixteko mehatxupean dagoen Agoizko plantako langileak. Bileran Hualdek helarazi die Parlamentuak haien borrokarekiko duen atxikimendua.

Roger Torrent Kataluniako Parlamentuko presidenteak eta Ernest Maragall ERCko diputatuak 2019an CNIko zuzendari zen Felix Sanzen aurka jarriko dute kereila ustez, Israelgo konpainia batek garatutako Pegasus programaren bidez sakelako telefonoak zelatatu zituztenean. Ez dute baztertzen ikerketa zabaltzea, beste pertsona batzuk operazioan parte hartu zuten zantzuak ondorioztatzen badira. Andreu Van Den Eynde abokatuaren arabera softwarea Gobernuko inteligentzia agentzien esku dago, eta, kasua argitu duten kazetarien arabera, euskarria sortu duten enpresa Israeldar NSOko langile ohi batek Espainiako Estatua enpresa horretako bezero gisa identifikatu du 2015etik.